Kimi Rəykkönen Monako Qran Prisində Brawn GP sürücülərinin poul mübarizəsinin arasına girib – yekun protokolda finlandiyalı sürücü Censon Battona uduzsa da, Rubens Barrikellonu qabaqlaya bilib, buna baxmayaraq braziliyalı veteran sürücü tutduğu yerdən razı qalıb…
Rubens Barrikello: “Sön sürətli dövrəni yaxşı keçdim, amma Censonun nəticəsi çox fantastik oldu. Mən bacardığımı etdim və start mövqeyimdən razıyam. Təəssüf ki, bu dəfə də poulu qazana bilmədim, amma maşın burda çox rəqabətədavamlıdır və mən yarışda yaxşı nəticəyə ümid edirəm. Bu mənim knyazlıqda on yeddinci yarışım olacaq, amma bu trasda maşın sürməkdən aldığım ləzzət heç dəyişməyib.”
