Komandaların seçimi məxfi saxlanılır və yarışa 2 həftə qalmış mətbuata bildirilir. Ona görə də Pirelli bu gün Yaponiya Qran Prisinə hər bir sürücünün etdiyi seçimi açıqlayıb.
F-1.az xatırladır ki, italyanlar Suzuka trasına orta üçlüyü – SuperSoft, Soft və Medium tərkiblərini gətirəcəklər. Bu üçlük mövsümdə artıq dörd dəfə – Bəhreyndə, İspaniyada, Belçikada və İtaliyada istifadə olunub.
Tərkiblərin bərkliyinə baxmayaraq, sürücülərin seçimi əvvəlki iki yarışdakı seçimi xatırladır – Mercedes sürücüləri yenə də 7 dəst ən yumşaq tərkibdən alacaqlar. Ferrari-nin sürücüləri bu dəfə hamıdan çox – 10 dəst SuperSoft şifariş ediblər.
Ən maraqlı seçim isə McLaren komandasına məxsusdur – demək olar ki, bütün tərkiblərdən eyni sayda sifariş edilib…
Yaponiya Qran Prisi üçün təkər seçimi
| Sürücü | Komanda | Medium | Soft | SuperSoft |
| Lyuis Həmilton | Mercedes AMG | 2 | 4 | 7 |
| Valtteri Bottas | Mercedes AMG | 2 | 4 | 7 |
| Sebastyen Fettel | Ferrari | 1 | 2 | 10 |
| Kimi Rəykkönen | Ferrari | 1 | 2 | 10 |
| Daniel Rikkardo | Red Bull | 1 | 4 | 8 |
| Maks Ferstappen | Red Bull | 1 | 5 | 7 |
| Serxio Peres | Racing Point | 2 | 3 | 8 |
| Esteban Okon | Racing Point | 2 | 3 | 8 |
| Ləns Stroll | Williams | 1 | 3 | 9 |
| Sergey Sirotkin | Williams | 2 | 2 | 9 |
| Karlos Sayns | Renault | 2 | 3 | 8 |
| Niko Hülkenberq | Renault | 1 | 4 | 8 |
| Pyer Qasli | Toro Rosso | 2 | 3 | 8 |
| Brendon Hartli | Toro Rosso | 1 | 4 | 8 |
| Roman Qrojan | Haas | 2 | 3 | 8 |
| Kevin Maqnussen | Haas | 1 | 4 | 8 |
| Fernando Alonso | McLaren | 4 | 5 | 4 |
| Stoffel Vandorn | McLaren | 4 | 5 | 4 |
| Markus Eriksson | Sauber | 1 | 4 | 8 |
| Şarl Lekler | Sauber | 2 | 3 | 8 |
