Mercedes AMG Petronas komandası bu gün rəsmən yeni maşınının təqdimatını anons edib – yeni W03 fevralın 21-də Barselonada mövsümöncəsi testlərin ikinci seriyasının ilk günü göstəriləcək.
Yerli vaxtla saat 8:20-də Mixael Şumaher və Niko Rosberq pit-leyndə yeni maşının üzərindən pərdəni çəkəcəklər, qısa fotosessiyadan sonra maşın trasa yollanacaq, Ross Braun və Norbert Hauq isə mətbuat konfransı keçirəcəklər.
W03-ün sükanı arxasına birinci Mixael Şumaher oturacaq, axşam isə KİV-ə müsahibə verəcək, Niko Rosberqi jurnalistlər nahar fasiləsində sual atəşinə tuta biləcəklər. Səhərisi gün trasda Niko işləyəcək, növbəti günü Mixael onu əvəz edəcək, cümə günü testləri Niko başa vuracaq…
