25 Avqust 2019, Bazar - 11:15

McLaren-in maşınları əvvəlki kimi MP4 adlanacaq

McLaren-in maşınları əvvəlki kimi MP4 adlanacaq

Müəllif: Elçin Zodorov, redaktor

10:22 - 16 Yanvar, 2017

Bu barədə komandanın yeni icraçı direktoru Zek Braun məlumat verib. Ron Dennisin gedişi maşının adlandırılmasına təsir göstərməyəcək.

F-1.az xatırladır ki, Ron Dennis iki ay əvvəl digər səhmdarların təzyiqi altında postunu tərk etməli olmuşdu. Lakin nəzərə almaq lazımdır ki, son onilliklər ərzində komandanın təkamülündə başlıca rolu o oynayıb. 1981-ci ildən bəri komandanın bütün maşınları MP4 adlanıb – yalnız maşının modelini göstərən rəqəmsal indekslər dəyişilib.

MP4 – McLaren Project Four ifadəsinin abbreviaturasıdır. Dennis McLaren-ə gəlməzdən əvvəl Project Four Racing adlı yarış komandasına rəhbərlik edib. Son vaxtlarda maşınların fərqli formada adlandırılacağı barədə şayiələr gəzirdi. Lakin Braun bunları təkzib edib: “Yox, düşünürəm ki, biz hər şeyi olduğu kimi saxlamaq niyyətindəyik”.

Deməli, yeni maşın MP4-32 adlandırılacaq.

Braun komandanın gələcəkdə Formula E-də təmsil oluna biləcəyini, 2019-cu ildən etibarən batareya satmaq ehtimallarını və Le Manın 24 saatlıq marafonuna qayıdacaqlarını istisna etməyib: “Hər şey ola bilər. Vaxtilə McLaren İndy 500 yarışını qazanıb. Biz ancaq Formula1 komandası deyilik. Bizim texnologiyadan İndyCar-da da istifadə olunur – maşınlar McLaren-in elektronikası ilə təchiz olunur. Bizim batareyalarımız NASCAR maşınlarına da qoyulur. Mənim işimin bir hissəsi də hansı kateqoriyalarda iştirak edə biləcəyimizi müəyyən etməkdir. Deyərdim ki, biz hazırda avtoidmanın bütün sahələrinə öyrəşirik”.


Son Xəbərlər

İnformasiya

Bölüm Xəbərlər
Mənbə
Baxış Sayı 1. 496
Teqlər , , , ,
Paylaş

logo