Dizayn komandanın titul sponsoru olan HP şirkəti və Ferrari Design studiyasının iştirakı ilə hazırlanıb. Mühərrik qapağının ağ fonunda və hava kanalının ətrafında texniki çertyoj üslubunda eskizlər və təsvirlər yerləşdirilib. Qrafikanın bolidlərə tətbiqi üçün komandada HP Latex texnologiyasından istifadə olunub.
Ferrari-nin rəng həlləri və işləmə şöbəsinin rəhbəri Silviya Kavallaro: “Bu rəng çaları ideyadan onun reallaşmasına qədər olan yolu göstərir. Hər bir Ferrari bolidi yaradıcı niyyət, eskizlər və mühəndis işi ilə başlayır. Bütün bunlar bolid trasa çıxmazdan xeyli əvvəl baş verir.
HP ilə əməkdaşlıq sayəsində biz bu prosesi əyani şəkildə nümayiş etdirə bilmişik və bolidlərimizin əsasını təşkil edən ustalıq və innovativ həllərdən danışa bilmişik”.
Şarl Leklerin və Lyuis Həmiltonun yarış kombinezonlarının dizaynı da dəyişikliklərə məruz qalıb. Onlara daha çox ağ rəngli əlavələr edilib.
