F-1.az bildirir ki, cümə günü işləmək mümkün olmadığından, bugünkü məşq proqramı daha zəngin olub. Sürət çatışmamazlığı və balansın olmamasından narahat qalan Mercedes komandası bu sahələrə üstünlük verib. Bottasın maşınına aerodinamik yeniliklər quraşdırılıb və Həmiltonun nəticələri ilə müqayisə edilib. McLaren-də də aerodinamik yeniliklər ancaq Alonsonun maşınına quraşdırılıb.
İlk dəqiqələrdə sürücülər təkərlərin aşınmasını qiymətləndirmək üçün uzun dövrələr seriyasına çıxıblar. Massa startdan 15 dəqiqə keçdikdən sonra boksu tərk edə bilib. Sessiya insidentsiz keçib. Alonso və Qrojan yerində fırlanıblar, lakin yollarına davam edə biliblər. Elektron sistemdəki problemlərə görə yarım saat itirən Maqnussen trasa çıxsa da, cəmi 10 dövrə vura bilib. Sessiyanın sonunda Fettel boksa çox aşağı sürətlə qayıdıb. Onun güc qurğusunda nasazlıq olduğu ehtimal edilir.
Protokollara Kimi Rəykkönen başçılıq edib – 1:31.880. Bakı vaxtı ilə 13:00-da bizi poul uğrunda gərgin mübarizə gözləyir.
| Yer | N | Sürücü | Komanda | Zaman | Fərq | Dövrə |
| 1 | 7 | Kimi Rəykkönen | Ferrari | 1:31.880 | – | 19 |
| 2 | 5 | Sebastyan Fettel | Ferrari | 1:32.042 | + 0:00.162 | 14 |
| 3 | 3 | Daniel Rikkardo | Red Bull | 1:32.091 | + 0:00.211 | 16 |
| 4 | 77 | Valtteri Bottas | Mercedes AMG | 1:32.329 | + 0:00.449 | 24 |
| 5 | 44 | Lyuis Həmilton | Mercedes AMG | 1:32.539 | + 0:00.659 | 20 |
| 6 | 33 | Maks Ferstappen | Red Bull | 1:32.579 | + 0:00.699 | 17 |
| 7 | 11 | Serxio Peres | Force İndia | 1:33.209 | + 0:01.329 | 20 |
| 8 | 19 | Felipe Massa | Williams | 1:33.240 | + 0:01.360 | 20 |
| 9 | 31 | Esteban Okon | Force İndia | 1:33.290 | + 0:01.410 | 21 |
| 10 | 2 | Stoffel Vandorn | McLaren | 1:33.321 | + 0:01.441 | 16 |
| 11 | 14 | Fernando Alonso | McLaren | 1:33.530 | + 0:01.650 | 17 |
| 12 | 18 | Ləns Stroll | Williams | 1:33.538 | + 0:01.658 | 21 |
| 13 | 22 | Kevin Maqnussen | Haas | 1:33.787 | + 0:01.907 | 10 |
| 14 | 27 | Niko Hülkenberq | Renault | 1:33.871 | + 0:01.991 | 14 |
| 15 | 55 | Karlos Sayns | Toro Rosso | 1:33.924 | + 0:02.044 | 22 |
| 16 | 10 | Pyer Qasli | Toro Rosso | 1:34.206 | + 0:02.326 | 24 |
| 17 | 30 | Colion Palmer | Renault | 1:34.475 | + 0:02.595 | 12 |
| 18 | 8 | Roman Qrojan | Haas | 1:34.914 | + 0:03.034 | 19 |
| 19 | 9 | Markus Eriksson | Sauber | 1:34.936 | + 0:03.056 | 19 |
| 20 | 94 | Paskal Verlyayn | Sauber | 1:35.045 | + 0:03.165 | 19 |
