Malayziya-2017: Sıralanma turu

Sıralanma turunun nəticəsi Sepanqda nəticəyə təsir edən faktorlardan biridir. İndiyə qədər burada baş tutan 18 yarışın 9-da pouldan start alan sürücü qalib olub. İsti və rütubətli hava, yağıntılar yarışın nəticəsinə dəfələrlə təsir göstərib.

F-1.az xatırladır ki, dünən yağışlı havada baş tutan ilk sərbəst yürüşlərdə Maks Ferstappen protokollara başçılıq etmişdi. Qrojanın qəzasına görə 20 dəqiqəsi təxirə salınan ikinci sessiyada isə Fettel hamıdan sürətli olmuşdu. Bu gün səhər komandalar nəhayət ki, məşq proqramlarını tam yerinə yetirə bilmişdilər və Rəykkönen birinci nəticəni göstərmişdi.

Pirelli Sepanqa orta üçlüyü – Medium, Soft və SuperSoft tərkiblərini gətirib.

İlk sessiyada Mercedes və Ferrari-nin sürücüləri, o cümlədən Ferstappen Soft, digər sürücülər isə SuperSoft təkərlərlə mübarizəyə başlayıblar. Səhər sərbəst yürüşlərdə motor problemi ilə üzləşən Fettel sürətli dövrəsini başa vura bilməyib və boksa qayıtmalı olub. Dördqat dünya çempionu sıralanma turunu heç bir nəticə göstərmədən başa vurub.

Mercedes, Red Bull, Force İndia komandalarının sürücüləri və Rəykkönen ikinci cəhdlərindən imtina ediblər. Həmilton ən sürətli olub – 1:31.605. Fettellə yanaşı Haas və Sauber sürücüləri mübarizəni dayandırıblar.

İkinci sessiyada bütün sürücülər SuperSoft təkərlərdən istifadə ediblər. İlk cəhddə Rəykkönen Ferstappeni çox cüzi fərqlə üstələyərək, protokollara başçılıq edib. Hər iki sürücü ikinci cəhddən imtina edib. Bu dəfə Bottas hamını üstələyib – 1:30.803. Massa, Palmer, Sayns və debütant Qasli mübarizəni dayandırıblar. Red Bull-un gənc yetirməsi komanda yoldaşı Saynsa minimal fərqlə uduzub.

Son sessiyada Hülkenberq ilk cəhdindən imtina edib. Həmilton 1:30.076-lıq nəticə göstərib. Britaniyalı sürücü ikinci cəhddə nəticəsini yaxşılaşdırmasa da, poul qazana bilib. Rəykkönen son döngədə səhvə yol verib və Lyuisə cəmi 0.045 saniyə uduzub. Onlardan 0.4 saniyə geri qalan Ferstappen isə üçüncü olub. Lyuisin karyerasında 70-ci poulu mövsümdə 9-cu, Malayziyada isə 5-ci (ardıcıl 4-cü) olub.

Yarışa hazırkı vəziyyətə görə ilk yerdən Həmilton, son yerdən isə çempionatda onun ən yaxın izləyicisi olan Fettel başlayacaq. Alman sürücüyə Ferrari-nin tempi yaxşı yer tutaraq zərəri minimuma endirməyə imkan verəcək? Bu suala sabah Bakı vaxtı ilə 11:00-da start götürəcək Malayziya Qran Prisində cavab tapacağıq.

Yer N Sürücü Komanda 1-ci sessiya 2-ci sessiya 3-cü sessiya
Yer Zaman Dövrə Yer Zaman Dövrə Zaman Dövrə
1 44 Lyus Həmilton Mercedes AMG 1 1:31.605 6 4 1:30.977 6 1:30.076 6
2 7 Kimi Rəykkönen Ferrari 4 1:32.259 5 2 1:30.926 3 1:30.121 6
3 33 Maks Ferstappen Red Bull 2 1:31.920 3 3 1:30.931 3 1:30.541 6
4 3 Daniel Rikkardo Red Bull 6 1:32.416 4 5 1:31.061 6 1:30.595 6
5 77 Valtteri Bottas Mercedes AMG 3 1:32.254 5 1 1:30.803 6 1:30.758 6
6 31 Esteban Okon Force İndia 7 1:32.527 5 7 1:31.651 6 1:31.478 6
7 2 Stoffel Vandorn McLaren 13 1:32.838 6 9 1:31.848 6 1:31.582 6
8 27 Niko Hülkenberq Renault 10 1:32.586 8 8 1:31.778 6 1:31.607 3
9 11 Serxio Peres Force İndia 12 1:32.768 5 6 1:31.484 7 1:31.658 6
10 14 Fernando Alonso McLaren 15 1:33.049 5 10 1:32.010 6 1:31.704 6
11 19 Felipe Massa Williams 5 1:32.267 6 11 1:32.034 6
12 30 Colion Palmer Renault 9 1:32.576 8 12 1:32.100 6
13 18 Ləns Stroll Williams 14 1:33.000 8 13 1:32.307 6
14 55 Karlos Sayns Toro Rosso 11 1:32.650 8 14 1:32.402 6
15 10 Pyer Qasli Toro Rosso 8 1:32.547 8 15 1:32.558 6
16 8 Roman Qrojan Haas 16 1:33.308 8
17 20 Kevin Maqnussen Haas 17 1:33.434 6
18 94 Paskal Verlyayn Sauber 18 1:33.483 9
19 9 Markus Eriksson Sauber 19 1:33.970 9
20 5 Sebastyan Fettel Ferrari 20 2
, , , , , ,

Bir cavab yazın

Sizin e-poçt ünvanınız dərc edilməyəcəkdir.

*

*

*