F-1.az xatırladır ki, yarımçıq qalmış ilk məşqlərdə Valtteri Bottas, ikinci məşqlərdə isə Lyuis Həmilton protokollara başçılıq edib. Bugünkü son sərbəst yürüşlərdə isə Maks Ferstappen hamıdan sürətli olub.
Pirelli bura ən yumşaq 3 tərkibi – C3, C4 və C5-i gətirib. Lakin bu gün yağış yağdığından, onlara az ehtiyac yaranıb.
Birinci sessiyada hamı trasa keçid təkərləri ilə çıxıb. Çjou güc qurğusundakı problemə görə dayandığından, qırmızı bayraqlar dalğalanıb. Sayns sürətli dövrə vuran Qasliyə mane olub. Fransız sürücü belə hərəkətə görə diskvalifikasiya etməyə çağırıb. Stüardlar məsələni sıralanma turundan sonra araşdıracaqlar. Tsunoda ilə Hülkenberq arasında da insident olub.
Asfalt tədricən qurusa da, hamı keçid təkərdə qalıb. Çjou, Sarcent, de Friz, Qasli və Tsunoda sıralanma turu ilə vidalaşmalı olublar. Sürətli dövrə isə Ferstappendən gəlib – 1:20.851.
İkinci sessiyada çoxları yaşıl təkərləri seçib. Stroll yerində fırlanıb. Sayns bu dəfə trasda lap yavaşlayıb və Elbona mane olub. Hakimlər Leklerə tras hüdudlarını pozmasına görə xəbərdarlıq ediblər. Sessiyanın sonuna yaxın yağış güclənib. Ən sürətli dövrəni 1:18.725 ilə Elbon vurub. Bottas, Maqnussen, Stroll, Peres və Lekler ilk onluğa düşə bilməyiblər.c
Son sessiyada hamı havanın daha da pisləşəcəyindən hetiyat edərək trasa tələsib. Keçid təkərlər bu dəfə də əsas seçim olub. Piastrinin qəzası qərməzə bayraqlara səbəb olub. Fasilədən sonra sürücülər yenidən keçid təkərləri ilə trasa çıxıblar, lakin trada su artdığından, heç kim nəticələri yaxşılaşdıra bilməyib.
Maks Ferstappen karyerasında 25-ci poulunu əldə edib – 1:25.858. Niko Hülkenberq sürpriz şəkildə ikinci nəticəni göstərib. Fernando Alonso isə üçüncü olub. Sbahakı yarışa onun yanından Lyuis Həmilton başlamalıdır. Üçüncü cərgə isə Corc Rassell və Esteban Okonundur.
Sabah bizi bənzərsiz yarış gözləyir…
SIRALANMA TURUNUN NƏTİCƏLƏRİ
| Yer | N | Sürücü | Komanda | 1-ci sessiya | 2-ci sessiya | 3-cü sessiya | |||||
| Yer | Zaman | Dövrə | Yer | Zaman | Dövrə | Zaman | Dövrə | ||||
| 1 | 1 | Maks Ferstappen | Red Bull | 1 | 1:20.851 | 12 | 2 | 1:19.092 | 9 | 1:25.858 | 5 |
| 2 | 27 | Niko Hülkenberq | Haas | 15 | 1:22.730 | 13 | 8 | 1:20.305 | 7 | 1:27.102 | 5 |
| 3 | 14 | Fernando Alonso | Aston Martin | 2 | 1:21.481 | 12 | 5 | 1:19.776 | 8 | 1:27.286 | 5 |
| 4 | 44 | Lyuis Həmilton | Mercedes | 3 | 1:21.554 | 12 | 10 | 1:20.426 | 9 | 1:27.627 | 5 |
| 5 | 63 | Corc Rassell | Mercedes | 4 | 1:21.798 | 12 | 7 | 1:20.098 | 8 | 1:27.893 | 5 |
| 6 | 31 | Esteban Okon | Alpine | 8 | 1:22.114 | 12 | 9 | 1:20.406 | 8 | 1:27.945 | 5 |
| 7 | 4 | Lando Norris | McLaren | 7 | 1:21.998 | 12 | 3 | 1:19.347 | 9 | 1:28.046 | 5 |
| 8 | 55 | Karlos Sayns | Ferrari | 11 | 1:22.248 | 12 | 6 | 1:19.856 | 8 | 1:29.294 | 6 |
| 9 | 81 | Oskar Piastri | McLaren | 10 | 1:22.190 | 12 | 4 | 1:19.659 | 9 | 1:31.349 | 3 |
| 10 | 23 | Aleksander Elbon | Williams | 6 | 1:21.938 | 14 | 1 | 1:18.725 | 5 | – | 5 |
| 11 | 16 | Şarl Lekler | Ferrari | 5 | 1:21.843 | 12 | 11 | 1:20.615 | 10 | ||
| 12 | 11 | Serxio Peres | Red Bull | 9 | 1:22.151 | 13 | 12 | 1:20.959 | 10 | ||
| 13 | 18 | Ləns Stroll | Aston Martin | 14 | 1:22.677 | 12 | 13 | 1:21.484 | 8 | ||
| 14 | 20 | Kevin Maqnussen | Haas | 13 | 1:22.351 | 12 | 14 | 1:21.678 | 9 | ||
| 15 | 22 | Valtteri Bottas | Alfa Romeo | 12 | 1:22.332 | 13 | 15 | 1:21.821 | 10 | ||
| 16 | 22 | Yuki Tsunoda | AlphaTauri | 16 | 1:22.746 | 11 | |||||
| 17 | 10 | Pyer Qasli | Alpine | 17 | 1:22.886 | 11 | |||||
| 18 | 21 | Nik de Friz | AlphaTauri | 18 | 1:23.137 | 12 | |||||
| 19 | 2 | Loqan Sarcent | Williams | 19 | 1:23.337 | 14 | |||||
| 20 | 24 | Quanyu Çjou | Alfa Romeo | 20 | 1:23.342 | 11 | |||||
