F-1.az xatırladır ki, yaponlar 7 illik fasilədən sonra 2015-ci ildə Formula1-ə qayıtmış və çoxlu problemlərlə üzləşmişdilər.
Yusuke Haseqava: “Konsept demək olar ki, bitib və artıq dinamik stendlərdə dözümlülük testlərinə başlamışıq. Gələn mövsümə qədər dözümlülüyü artırmaq üçün testlərə davam edəcəyik. 2016-cı ilin mühərriyində dözümlülüyü artırmaq üçün işləyirik və bu, bizə 2017-ci il üçün kömək edəcək.
Xırdalıqlardan danışmaq istəmirəm, amma güc qurğusu ilə bağlı qaydalar dəyişməz olaraq qalacaq. Buna görə də, 2016-cı ildə öyrəndiyimiz bəzi şeylərdə gələn il istifadə edə bilərik. Yarışlarda əldə etdiyimiz məlumatlar və sazlanmalar gələn il üçün dəyərli olacaq. Həmçinin şərti ballar sisteminin ləğvi də bizə kömək edəcək”.
