Ferrari-nin prezidenti Luka di Montedzemolo elan edib ki, komanda yeni maşını 25-31 yanvarda təqdim edəcək. Luka təqdimatın məkanını söyləməsə də, artıq neçə illərdir ki, Skuderiya jurnalistləri Maranelloda toplayır – yəqin ki, ənənə davam etdiriləcək.
Əlbəttə, F10-u əvəz edəcək maşının adı məxfi saxlanılır, amma yeni maşın trasa fevralın 1-də çıxacaq, məhz həmin gün Valensiyada mövsümöncəsi testlərin birinci seriyası başlayacaq.
