İtaliyanın FİAT konserninə məxsus olan Ferrari şirkəti Brand Finance-in versiyasına görə 500 ən məşhur şirkətilərin siyahısına başçılıq edib.
Ferrari reqtinqi tərtib edən ekspertlər tərəfindən ən yüksək qiymət alaraq Google, Coca-Cola, PwC və Hermes kimi şirkətləri qabaqlayıb. Baxmayaraq ki, şirkət öz ölçülərinə və gəlir həcminə görə bir çox rəqiblərinə uduzur, amma reytinqin formalaşması zamanı rentabellik, bir müştəridən orta gəlir, marketinq effektliyi, populyarlıq və brend loyallığı kimi kriteriyalar əsas götürülüb.
Luka di Montedzemolo, Ferrari-nin prezidenti: “Əlbəttə, həmişə siyahının önündə olmaq xoşdur, xüsusən də əgər bu, dünyanın ən məşhur şirkətlərinin siyahısıdırsa. Bu nailiyyət sübut edir ki, hətta böhran illərində də İtaliya dünya biznesinə qabaqcıl təcrübə təklif etmək iqtidarındadır. Bu, bizim əməkdaşların istehsal etdikləri nadir məhsulun tanınmasıdır – məhz onların sayəsində biz bu mükafatı almışıq.”
