F-1.az xatırladır ki, McLaren Honda komandası keçən mövsüm gözləntiləri qarşılaya bilməyib və ən zəif ikinci komanda olublar, amma komandanın bu il mövsümöncəsi testlərdə göstərdiyi performans komandanın fanlarını ümidləndirib.
Amma Erik Bulye bildirib ki, onlar builki proqramda gecikmə yaşayıblar: “Burada 2016-cı ildə istifadə edəcəyimiz bütün detalları test edə bilmədik. Proqramımızda kiçik gecikmə oldu. Bu da o deməkdir ki, Avstraliya QP-də bolidimizdə radikal dəyişikliklər olacaq.
Heyf ki, bəzi detalları test edə bilmədik, amma olan oldu və bunu dəyişdirə bilmərik
Əslində, demək olar ki, hər gün etməli olduğumuzu etdik və bu yaxşı xəbərdir.
Keçənilki problemlərimizə baxanda, vəziyyətimiz yaxşıdır. Artıq daha dözümlü bolidimiz var. Mövsümə daha güclü başlayırıq.
Ümumilikdə bolid yaxşı görünür. Bir neçə həftədən sonra daha güclü olacaq”.
