Londonda dərc olunan The Times qəzetinə müsahibəsində Formula1-in kommersiya başçısı Berni Ekklstoun idmandan böyük komandaların getməsinin qarşısını almağa hazırdır. Qəzetin yazdığına görə, son dörd günün hadisələri Ekklstounu çox sarsıdıb, çünki onun illik dövriyyəsi 1 milyard Avrodan çox olan biznesi üçün real təhlükə var…
Berni Ekklstoun: “Mən həyatımın 35 ilini Formula1-ə vermişəm. Formula1 üzündən mənim ailəm dağılıb, ona görə də tam qətiyyətlə deyə bilərəm ki, belə bir xırda problem üzündən çempionatın dağılmasına imkan verə bilmərəm. Əgər siz problemləri təhlil etsəniz, görərsiniz ki, həll olunmayan məsələ yoxdur.”
