23 Sentyabr 2019, Bazar ertəsi - 07:03

Barselona testləri (21-24 fevral 2012-ci il)

Barselona testləri (21-24 fevral 2012-ci il)

Müəllif: Rəhim N.Əliyev, baş redaktor

18:15 - 25 Fevral, 2012

24 fevral Quru. Günəşli. Havanın temperaturu +9°…+21° C, trasın temperaturu +11°…+30° C Mövsümöncəsi testlərin ikinci seriyasının son günü başlamamış Marussia […]

24 fevral

Quru. Günəşli. Havanın temperaturu +9°…+21° C, trasın temperaturu +11°…+30° C

Mövsümöncəsi testlərin ikinci seriyasının son günü başlamamış Marussia komandası keçənilki maşının sağ arxa asılqanının sınması üzündən testlərdən imtina etməli olub, digər doqquz komanda mövsümə hazırladıqları yeni maşınlarla testlərə davam ediblər.

bar4-maldo2
Bu gün hava səhərdən isti olduğu üçün elə ilk dəqiqələrdən trasda iş başlayıblar. Nahara qədər Williams və Mercedes AMG yarışı imitasiya ediblər, düzdür, Niko Rosberqin imitasiyası zamanı qırmızı bayraqlarla sessiya dayandırılıb – Pol di Resta trasdan çıxıb. Nahardan sonra isə iki dəfə qırmızı bayarqlar dalğalanıb – McLaren və Sauber yanacaq sistemlərini sazlayıblar.

bar4-resta3
Caterham-də də texniki problemlər üzə çıxıb – komanda motoru dəyişməli olub, ona görə Heykki Kovalaynen yalnız nahardan sonra məhsuldar işləyə bilib.

Top-komandaalrın sürücüləri uzun dövrələr seriyasında işləyiblər, nəticədə Kamui Kobayaşi protokollara başçılıq edib, onun göstərdiyi – 1:22.312 nəticə isə həftənin ən yaxşı nəticəsi olub, yaponiyalı sürücü bu gün ən böyük məsafə qət etməklə daha bir rekorda imza atıb – bir test günündə 145 dövrə.

Beləliklə, mövsümöncəsi testlərin ikinci seriyası başa çatıb, gələn həftə, martın 1-də komandalar yenə də buraya sonuncu seriyaya toplaşacaqlar.

Nəticələr belə olub:

YerPilotKomandaMotorVaxtFərqDövrə
01K.KobayaşiSauberFerrari1:22.312145
02P.MaldonadoWilliamsRenault1:22.561+ 0:00.249134
03P.di RestaForce İndiaMercedes1:23.119+ 0:00.807101
04J.BattonMcLarenMercedes1:23.200+ 0:00.888115
05F.MassaFerrariFerrari1:23.563+ 0:01.251103
06M.UebberRed BullRenault1:23.774+ 0:01.46285
07J.E.VernToro RossoFerrari1:23.792+ 0:01.48092
08N.RosberqMercedes AMGMercedes1:23.843+ 0:01.531139
09H.KovalaynenCaterhamRenault1:26.968+ 0:04.65670
23 fevral

bar3-maldo1

Quru. Günəşli. Havanın temperaturu +8°…+21° C, trasın temperaturu +10°…+27° C

Bu gün komandaların çoxunda sürücülər dəyişib, ona görə də trasda iş bir az gec başlayıb – maşınlarda oturacaqlar dəyişib, sazlanmalara düzəlişlər edilib. Dünən trasda olan sürücülərdən yalnız Vitaliy Petrov bu gün işini davam etdirib, amma Caterham-in mühəndisləri ilk dövrələrdən sonra ön asılqanda problemlər müəyyən ediblər.

bar3-shum2
Sessiyanın startında saat yarım sonra qırmızı bayraqlar dalğalanıb – Pol di Restanın maşının motor qapağının bir hissəsi trasda qalıb. Yarım saat sonra Timo Qlok trasda fırlanaraq testləri dayandırıb, amma almaniyalı sürücü boksa qayıda bilib. Nahar fasiləsinə bir neçə dəqiqə qalmış Kaumi Kobayaşi trasda dayanıb – Sauber komandası yanacaq sistemini test edib. Nahardan sonra Uebber 8-ci döngədə dayandığı üçün sessiya saxlanılıb. Felipe Massa isə sessiyanın sonuna 2 dəqiqə qalmış trasda dayanıb.

bar3-kob3
Komandalar müxtəlif proqramlar üzrə işləyiblər. Ferrari Maranellodan səhər gətirilmiş yenilikləri yoxlayıb, Red Bull və Mercedes AMG yarışı imitasiya ediblər – Mixael Şumaher bir pit-stopla 66 dövrə vurub, Mark Uebber isə iki pit-stopla 58 dövrə. Digər sürücülər isə sıralanma turunu imitasiya ediblər və Pastor Maldonado bu rejimdə ən yaxşı nəticəyə imza atıb. Sabah testlər başa çatacaq

Nəticələr belə olub:

YerPilotKomandaMotorVaxtFərqDövrə
01P.MaldonadoWilliamsRenault1:22.391106
02M.ŞumaherMercedes AMGMercedes1:23.384+ 0:00.993127
03K.KobayaşiSauberFerrari1:23.582+ 0:01.19199
04J.BattonMcLarenMercedes1:23.918+ 0:01.527114
05J.E.VernToro RossoFerrari1:24.433+ 0:02.04278
06M.UebberRed BullRenault1:24.771+ 0:02.38097
07F.MassaFerrariFerrari1:24.771+ 0:02.38084
08P.di RestaForce İndiaMercedes1:25.646+ 0:03.25583
09T.QlokMarussiaCosworth1:26.173+ 0:03.782108
10V.PetrovCaterhamRenault1:26.448+ 0:04.05770
22 fevral

bar2-hulk1

Quru. Günəşli. Havanın temperaturu +6°…+19° C, trasın temperaturu +9°…+26° C

Barselona testlərinin ikinci günü hadisələrlə zəngin olub – dünən sıralanma turunu imitasiya edən sürücülər bu gün yarışı imitasiya ediblər. Mövsümöncəsi testlərin yarısı arxada qalıb, mövsümün startına qədər cəmi altı test günü qalıb.

bar2-peres2
Lotus komandası dünən axşam Barselonanı tərk edib, Niko Rosberq yeni W03-ün sükanı arxasında debüt edib, Williams komandasının ehtiyat sürücüsü Valteri Bottas mövsümdə debüt edib, Vitaliy Petrov da Caterham-in heyətində debüt edib.

bar2-fet3
Testlər iki dəfə qırmızı bayraqlarla dayandırılıb – hər iki halda səbəbkar Daniel Rikkardo olub.

Günün ən böyük məsafəsini Lyuis Həmilton qət edib, protokollara isə Niko Hülkenberq başçılıq edib. Sabah testlər davam edəcək.

Nəticələr belə olub:

YerPilotKomandaMotorVaxtFərqDövrə
01N.HülkenberqForce İndiaMercedes1:22.608112
02S.PeresSauberFerrari1:22.648+ 0:00.04085
03S.FettelRed BullRenault1:22.891+ 0:00.283104
04F.AlonsoFerrariFerrari1:23.180+ 0:00.57287
05D.RikkardoToro RossoFerrari1:23.639+ 0:01.03150
06L.HəmiltonMcLarenMercedes1:23.806+ 0:01.198120
07N.RosberqMercedes AMGMercedes1:24.555+ 0:01.94782
08V.BottasWilliamsRenault1:25.738+ 0:03.130117
09V.PetrovCaterhamRenault1:26.605+ 0:03.99769
10Ş.PikMarussiaCosworth1:27.343+ 0:04.735108
21 fevral

bar1-fet1

Quru. Günəşli. Havanın temperaturu +1°…+17° C, trasın temperaturu +3°…+24° C

Bu gün Barselonada on bir komanda mövsümöncəsi testlərin ikinci seriyasına başlayıblar, yalnız Hispania komandası testlərə gələ bilməyib – komandanın yeni maşını FİA-nın məcburi krəş-testini keçə bilməyib. Marussia komandası isə testlərə keçənilki maşınla qatılıb. Fransalı sürücü Şarl Pik MVR02-nin sükanı arxasında debüt edib və protokollarda sonuncu olmaqla günün ən böyük məsafəsini qət edib.

Səhər testlərdən əvvəl Mercedes AMG komandası yeni maşınını təqdim edib, qısa fotosessiyadan sonra Mixael Şumaher maşını trasa çıxarıb. Amma yeni maşının ilk günü problemsiz ötüşməyib – nahardan sonra almaniyalı sürücü hidravlik sistemdəki problemlər üzündən boksda vaxt itirib.

bar1-hulk2
Lotus komandası üçün test günü çox qısa alınıb. Komanda testlərə ikinci Е20-02 şassisini gətirib və Roman Qrojan bir neçə dövrə vurduqdan sonra mühəndislər maşında problemlərin olmasını üzə çıxarıblar. Problemi yerində həll etmək mümkün olmadığı üçün şassi Ənstoun göndərilib. Əvvəl xəbər verilib ki, sabah testlər Xeresdə istifadə olunan Е20-01 şassisi ilə davam edəcək, amma axşam komanda, ümumiyyətlə, testlərdən imtina etdiyini bildirib.

Sessiyanın startında iki saat sonra Heykki Kovalaynenin maşınında problemlər üzündən qırmızı bayraqlar dalğalanıb. Maşının evakuasiyası 10 dəqiqə çəkib, təmiri isə daha uzun müddət tələb edib – finlandiyalı sürücü trasa yalnız axşam qayıda bilib. Bir dəfə də sessiya Daniel Rikkardonun problemləri üzündən dayandırılıb.

bar1-ham3
Bəzi sürücülər bu gün sıralanma turunu imitasiya ediblər, ona görə də nəticələr sıx alınıb. Protokollara isə Sebastyan Fettel başçılıq edib. Sabah testlər davam edəcək.

Nəticələr belə olub:

YerPilotKomandaMotorVaxtFərqDövrə
01S.FettelRed BullRenault1:23.26579
02N.HülkenberqForce İndiaMercedes1:23.440+ 0:00.17597
03L.HəmiltonMcLarenMercedes1:23.590+ 0:00.325114
04D.RikkardoToro RossoFerrari1:23.618+ 0:00.35376
05F.AlonsoFerrariFerrari1:24.100+ 0:00.83575
06M.ŞumaherMercedes AMGMercedes1:24.150+ 0:00.88551
07S.PeresSauberFerrari1:24.219+ 0:00.95466
08B.SennaWilliamsRenault1:25.711+ 0:02.44697
09H.KovalaynenCaterhamRenault1:26.035+ 0:02.77031
10R.QrojanLotusRenault1:26.809+ 0:03.5447
11Ş.PikMarussiaCosworth1:28.026+ 0:04.761121

Son Xəbərlər

İnformasiya

Bölüm Testlər
Mənbə
Baxış Sayı 481
Teqlər
Paylaş

logo