F-1.az xatırladır ki, FİA keçən il Ferrari-nin mühərrikini araşdırmağa başlamış və bu ilin fevralında araşdırmanı bitirmişdi. Lakin Beynəlxalq Avtomobil Federasiyası nəticələri açıqlamayaraq Ferrari ilə razılığa gəldiklərini bildirmişdi. Bu cavabdan narazı olan 7 komanda bundan sonra FİA-ya məktub göndərmiş və açıqlama istəmişdi.
Berni Ekklstoun: “Komandalar FİA-nı məhkəməyə verməlidir. Onlar milyonlarla dollar təzminat ala bilərlər. Əgər Ferrari günahsızdırsa, Jan Todtla niyə razılığa gəlsinlər ki? Bu hal mənə etiraf kimi gəlir.
Mən Formula1-in rəhbəri olanda yanğınsöndürən kimi idim. Çox yanğınlar söndürdüm. Mənim dövrümdə FİA, komandalar və mənim aramda ortaq nöqtə var idi və həmişə razılığa gələ bilirdik. Ancaq indiki halda bu, mümkün deyi”.
