F-1.az xəbər verir ki, McLaren komandasının rəhbəri avstraliyalı gəncin debüt mövsümündə göstərdiyi tərəqqidən heyran qalıb.
“Yüksək sürət əldə etməyə imkan verən əsas komponentlərdən biri sürücünün xarakteri, onun insani keyfiyyətləridir, – deyən Stella Oskarda onu ən çox heyran edən xüsusiyyət sualına belə cavab verib. – Çox sakitdir. Düşünürəm ki, o öz vəziyyətinə əla nəzarət edir və bu ona istedadından tam istifadə etməyə imkan verir.
Şəxsən məndə bu keyfiyyət yoxdur. Duyğularımı idarə etmək üçün aktiv səy göstərməli, mümkün qədər məhsuldar işləmək üçün psixoloji vəziyyətimi düşünməliyəm. Oskar buna təbii gəlir”.
Stella Formula1-də uğurlu karyera qurub və Ferrari-də işlədiyi müddətdə həm Mixael Şumaxer, həm də Fernando Alonso ilə çalışıb. Çempionat tarixinin ən yaxşılarından sayılan bu sürücülərlə iş təcrübəsi Andreaya Oskar Piastriyə hakimlik etmək imkanı verir.
“Bəlkə Oskarda bütün bu keyfiyyətlər təbiidir və ya bəlkə də karyerasının əvvəlində şüurlu şəkildə bunlar üzərində işləyib -bilmirəm. Ancaq aydındır ki, bu baxımdan o, gözəl yarışçıdır, – deyə Stella davam edib. – Nəzərə alsaq ki, mən həm əvvəlki illərdə, həm də indi böyük sürücülər görmüşəm, lakin onlar ən yaxşı nəticə əldə etdikləri vəziyyəti qoruya bilmədiklərinə görə bəzən maksimumlarından geri qalıblar.
Amma, məncə, Oskar bunu təbii edir”.
Piastri mövsümü fərdi hesabda 9-cu yerdə başa vurub və bu, çempionatın ikinci yarısında həqiqətən sürətli avtomobil əldə edən Formula1-ə yeni gələn idmançı üçün kifayət qədər layiqli nəticədir.
