Croatia Ring artıq beş ildir hazırlanır, layihə dövlət investisiyalarını nəzərdə tutan strateji əhəmiyyətli layihələr siyahısına daxil edilib. Milli telekanal HRT-nin əsas axşam xəbərlərində layihənin rəhbəri Davorin Stetner bildirib ki, layihə ilə artıq 2026-cı ildə Formula1-də çıxış edəcək bəzi sürücülər tanışdır. Xüsusən qeyd olunub ki, avtodromun tikinti planları hazırkı dünya çempionu Lando Norrisə göstərilib və bildirildiyinə görə o öz rəyini ifadə edib: bu rəy də nəzərə alınacaq.
Doğrudur, Formula1 standartları baxımından 3.6 km uzunluğunda dövrə (əvvəlcə nəzərdə tutulduğu kimi 4.2 km deyil) açıq-aşkar qısadır, həmçinin tribunaların yalnız 15 min tamaşaçı üçün nəzərdə tutulması da kifayət etmir. Lakin layihə 50 ha ərazidə mehmanxana kompleksi, restoranlar, sərgi mərkəzi və konsert meydançasının tikintisini də nəzrdə tutur; avtodrom isə yalnız avtomobil idmanı yarışları üçün deyil, həm də yeni avtomobil modellərinin sınaqları və müxtəlif təqdimatların keçirilməsi üçün poliqon kimi istifadə olunmalıdır.
Görünür ki, Croatia Ring inşa olunduğu halda onun əsas məqsədi müxtəlif şou tədbirləri vasitəsilə ilin bütün fəsillərində turistləri cəlb etmək olacaq.
Hazırda layihə son razılaşmalardan keçir və hər şey plan üzrə getsə, avtodromun inşasına 2027-ci ildə başlanacaq və təxminən iki il ərzində tamamlanacaq.
