16 Oktyabr 2019, Çərşənbə - 14:27

Sürətli dövrəyə görə xal veriləcək?

Sürətli dövrəyə görə xal veriləcək?

Müəllif: Rəhim N.Əliyev, baş redaktor

16:14 - 06 Mart, 2019

Sabah Cenevrədə FİA-nın Avtoİdman üzrə Ümumdünya Şurasının növbəti toplantısı keçiriləcək. Toplantıda vacib qərarların qəbul edilməsi gözlənilir.

F-1.az-ın əldə etdiyi məlumata görə, gündəlikdə yer alan məsələlərdən biri də yarış zamanı sürətli dövrəyə imza atan sürücü və onun komandasına əlavə xalların verilməsidir. Liberty Media poula görə də xal verilməsini təklif etsə də, komandalar bu təklifi ilkin mərhələdə rədd etmişdilər.

Əgər Ümumdünya Şurası bu təklifi dəstəkləyərsə (buna heç kim şübhə etmir), onda builki reqlamentə dəyişiklik etmək məqsədilə əlavə səsvermə təşkil oluna bilər – cari reqlament üçün komandaların həmrəyliyi lazımdır.

Əgər qarşıdakı günlərdə bu məsələni tənzimləmək alınmazsa, onda yeni qərar 2020-ci ilin reqlamentinə daxil ediləcək – bunun üçün səslərin 70%-i kifayət edəcək.

Formula1-də xal hesablanması sistemi bir neçə dəfə dəyişib, 1950-1959-cu illərdə isə sürücülər sürətli dövrəyə görə bir xal qazanırdılar.


Son Xəbərlər

İnformasiya

Bölüm Xəbərlər
Mənbə
Baxış Sayı 333
Teqlər , ,
Paylaş

logo