Yeddiqat dünya çempionu Mixael Şumaher Formula1-in gələcəyi barədə öz fikirlərini söyləyib: o hesab edir ki, FİA-nın təklif etdiyi dərəcədə məsrəflərin azaldılmasının radikal təkliflərini bəyənməyə avtoistehsalçıları məcbur etmək olmaz. Ferrari-nin keçmiş sürücüsü bildirib ki, Formula1-in gələcəyini avtoistehsalçılarsız təsəvvür etmək mümkün deyil və onları qane edəcək qərarlar tapılmalıdır…
Mixael Şumaher: “Hazırkı vəziyyət ürəkaçan deyil – həm də söhbət elə bir idman növündən gedir ki, mən həyatımın çox hissəsini ona həsr etmişəm və əvvəlki kimi onu sevirəm. Baş verənləri izləmək məni sarsıdır. Ferrari-yə gəlincə, bu ad Formula1 üçün fövqal vacibdir. Skuderiya bu idmanla məşhurlaşıb, amma idman da onunla böyüyüb.
Formula1-i Ferrari-siz və ya digər avtoistehsalçılarsız təsəvvür etmək olmaz, onlar çempionatda çoxdan çıxış edirlər. Mən əminəm ki, məsələnin həlli tezliklə tapılacaq və bu qərar Formula1-i gördüyümüz səviyyəyə qaldıran bütün komandaları qane edəcək. Gözləmək lazım deyil ki, avtoistehsalçılar radikal addımlar atacaqlar. Bəli, məsrfələri azaltmaq olar, amma bunu tədricən etmək lazımdır. Dünyanı bir gündə dəyişmək mümkün deyil.”