Mövsümöncəsi 1-ci testlər üçün komandaların iş qrafiki

F-1.az xatırladır ki, bu il iki dördgünlük test seriyası nəzərdə tutulub. Reqlamentin ciddi dəyişdiyi bir vaxtda hər bir test sessiyasının dəyəri də artır, ona görə də komandalar hamısı testlərə qədər yeni maşınlarını təqdim edərək indi onları real şəraitdə yoxlamağa hazırdırlar.

Bir daha xatırladaq ki, testlər hər gün səhər yerli vaxtla saat 9:00-da başlayacaq və 18:00-da başa çatacaq, günorta hamı birsaatlıq fasiləyə ayrılacaq. Dörd gün ərzində Barselonada mülayim hava olmalıdır, testlərin son günü yağış təkərlərin yoxlanması üçün tras süni sulanacaq.

Cədvəldən də göründüyü kimi yalnız çempion kamanda hər bir test gününü sürücülər arasında bərabər bölüb, yəni nahara qədər bir sürücü, nahardan sonra isə digər sürücü sükan arxasında işləyəcək. Yalnız Force İndia komandası bir test gününü ehtiyat sürücüsü ilə keçirəcək – martın 1-də Alfonso Seliş çalışdığı üçün, sonuncu gün əsas sürücülər arasında bölünüb. Yalnız Haas komandasının sürücüləri ardıcıl iki gün tam test proqramı üzrə işləyəcəklər. Renault və Sauber komandalarında isə ilk iki günü sürücülər təklikdə, son iki günü isə birlikdə çalışacaqlar.