F-1.az xəbər verir ki, xüsusilə, Mercedes ciddi şəkildə yenilənmiş bir maşın gətirib – daha böyük yan pontonlar və əhəmiyyətli dərəcədə yenidən işlənmiş aerodinamika nəzərə çarpıb. Ancaq digər komandalar da Monakoda çox vacib olan daha çox asfaltayatma qüvvəsi əldə etmək ümidi ilə yeni məhsullarla işləmək fürsətindən istifadə ediblər.
Dəstək yarışlarının sessiyalarından sonra ilk məşqlərdə tras artıq yaxşı vəziyyətdə olub və bu yaxınlarda döşənən yeni asfalt örtüyü buludsuz səma altında demək olar ki, 50 dərəcəyə qədər isinib.
Sürücülər tədricən sürəti artırıblar, lakin sessiya problemsiz ötüşməyib. Ferstappen mufta problemlərindən və pis idarəetmədən, Rassell mufta parametrlərindən şikayətlənib – hər ikisi pitə qayıdaraq maşınları mexaniklərə təhvil verib.
Sürücülər sürətli dövrədə olanlara keçməyə imkan verməyə çalışsalar da, tıxaclar yaranıb. Sayns 15-ci döngədə maneə ilə toqquşub, sonuncu döngədə isə Stroll eyni səhvi edib. Bottasu Pereslə toqquşmadan son anda qaça bilib.
Sessiyanın ortasında Sarcentin maşınındakı güc qurğusu qüvvəsini itirib, maşın tuneldə ciddi şəkildə yavaşlayıb – o, aşağı sürətlə boksa qayıdıb, sonra isə yenidən trasa çıxıb. 36-cı dəqiqədə Hülkenberq şikandakı maneəyə toxunduqdan sonra sökülən arxa sol təkərlə pitə qayıdıb və seans dağıntıları təmizləmək üçün qırmızı bayraqlarla beş dəqiqə dayandırılıb.
İkinci dəfə qırmızı bayraqlar Elbonun qəzaya uğramasından sonra son dəqiqələrdə dalğalanıb. Zərbə güclü olub, sürücü xəsarət almayıb, lakin Williams mexanikləri intensiv işləməli olacaqlar. Sessiyanın davam etdirilməməsi qərara alınıb.
Ən yaxşı vaxtı 1:13.372-lik nəticə ilə Karlos Sayns göstərib. Məşqlər axşam davam edəcək.
BİRİNCİ SESSİYANIN NƏTİCƏLƏRİ
| Yer | N | Sürücü | Komanda | Zaman | Fərq | Dövrə |
| 1 | 55 | Karlos Sayns | Ferrari | 1:13.372 | – | 26 |
| 2 | 14 | Fernando Alonso | Aston Martin | 1:13.710 | + 0:00.338 | 28 |
| 3 | 44 | Lyuis Həmilton4 | Mercedes | 1:14.035 | + 0:00.663 | 27 |
| 4 | 11 | Serxio Peres | Red Bull | 1:14.038 | + 0:00.666 | 27 |
| 5 | 16 | Şarl Lekler | Ferrari | 1:14.093 | + 0:00.721 | 24 |
| 6 | 1 | Maks Ferstappen | Red Bull | 1:14.244 | + 0:00.872 | 26 |
| 7 | 4 | Lando Norris | McLaren | 1:14.467 | + 0:01.095 | 25 |
| 8 | 31 | Esteban Okon | Alpine | 1:14.585 | + 0:01.213 | 29 |
| 9 | 18 | Ləns Stroll | Aston Martin | 1:14.653 | + 0:01.281 | 28 |
| 10 | 23 | Aleksander Elbon | Williams | 1:14.666 | + 0:01.294 | 32 |
| 11 | 77 | Valtteri Bottas | Alfa Romeo | 1:14.718 | + 0:01.346 | 29 |
| 12 | 20 | Kevin Maqnussen | Haas | 1:14.725 | + 0:01.353 | 29 |
| 13 | 22 | Yuki Tsunoda | AlphaTauri | 1:14.820 | + 0:01.448 | 29 |
| 14 | 10 | Pyer Qasli | Alpine | 1:14.866 | + 0:01.494 | 30 |
| 15 | 63 | Corc Rassell | Mercedes | 1:15.066 | + 0:01.694 | 24 |
| 16 | 21 | Nik de Friz | AlphaTauri | 1:15.083 | + 0:01.711 | 33 |
| 17 | 81 | Oskar Piastri | McLaren | 1:15.192 | + 0:01.820 | 32 |
| 18 | 2 | Loqan Sarcent | Williams | 1:15.557 | + 0:02.185 | 30 |
| 19 | 24 | Quanyu Çjou | Alfa Romeo | 1:15.684 | + 0:02.312 | 25 |
| 20 | 27 | Niko Hülkenberq | Haas | 1:15.785 | + 0:02.413 | 17 |
