Monako-2016: Güc qurğusunun elementləri

F-1.az federasiyanın rəsmi saytına istinadən xəbər verir ki, iki ildən çoxdur ki, güc qurğuları altı bloka bölünüb: İCE daxili yanma mühərriyi, TC turboqovucu və ya turbin, MGU-K və MGU-H generatorları, ES rekuperasiya sisteminin akkumulyatoru və CE elektron idarəetmə bloku. Mövsümün gedişində bu blokların hər birindən cəriməsiz yalnız 5 ədəd istifadə etmək olar.

Dünən FİA-dan verilən məlumata görə, 10 maşında güc qurğularının müəyyən elementləri dəyişdirilib.

Gözlənildiyi kimi, 3 sürücü yeni daxili yanma mühərriyi alıb – Rikkardo, Maqnussen və Alonso. Dörd sürücünün maşınında turbin dəyişdirilib – Rosberq, Rikkardo, Maqnussen və Eriksson. Üç sürücünün (Rosberq, Rikkardo və Maqnussen) maşınında MGU-H generatoru, iki sürücünün (Rikkardo və Maqnussen) maşınında isə MGU-K geneatoru yenisi ilə əvəzlənib.

McLaren, Haas, Sauber və Toro Rosso komandasının bütün maşınlarında, eləcə də, Rosberq və Maqnussenin maşınlarında akkumulyator, McLaren, Haas və Sauber maşınlarında, eləcə də, Rosberq və Saynsın maşınlarında isə idarəetmə bloku dəyişdirilib.

Bir daha xatırladaq ki, bütün yeniliklərə görə heç bir sürücüyə cərimə verilməyəcək…