“Bu mövsümün əvvəlindən McLaren yeni nəsil texnikaya keçidlə bağlı fərqli xarakterli çətinliklərlə üzləşir, eyni zamanda, Oskar da səhvlər etməyə davam edirdi, baxmayaraq ki, Yaponiya və Mayamidə kifayət qədər inamlı çıxış edərək podiuma qalxmışdı, – deyə 1996-cı ilin dünya çempionu Jak Vilnöv Sky Sports-a danışıb. – Amma bundan sonra o, komanda yoldaşına uduzur və Norris onu şəxsi hesabda qabaqlayır, hərçənd aralarında çox da böyük fərq yoxdur.
Sonra isə onun göstəriciləri kəskin şəkildə zəifləyib, formasını itirib və hələ də onu bərpa edə bilməyib. Bu, nəsə qəribədir və indi artıq Piastrinin haqqında heç kim danışmır. Üstəlik, bütün bunlar cəmi altı ay ərzində, bəlkə də daha az müddətdə baş verib. Bütün bunlar həqiqətən çox qəribədir, amma, tez-tez dediyimiz kimi, sən ancaq son yarışını nə qədər yaxşı keçirmisənsə, elə də yaxşısan.
Bu idmanın çətinlikləri hər kəsin öhdəsindən gəlmir – əgər siz Lyuis Həmilton deyilsinizsə və arxanızda çox sayda titul və qələbə yoxdursa. O zaman əvvəlki təcrübənizə istinad etmək olar, əks halda iki-üç uğursuz yarış kifayətdir – və iş bitdi”.
