Fernando Alonso bu gün ilk dəfə Ferrari-nin sükanı arxasına oturub: reklam çarxının çəkilişi zamanı o keçənilki F60-ı idarə edib – maşın üzərində bu ildən Skuderiyanın sponsoru olmuş İspaniyanın ən böyük bankı Santander-in loqotipləri aşkar görünüb.
Çəkilişlər Fransanın cənubundakı Pol Rikar avtodromunda keçirilib. Bunu ikiqat dünya çempionunun yeni komandada ilk iş təcrübəsi hesab etmək olar, amma yeni maşının ilk testləri Valensiyada gələn ay başlayacaq.
Yeni Ferrari-nin rəsmi təqdimatı yanvarın 28-nə planlaşdırılıb…
