Keçən ilə nisbətən Şpilberqdə bir sıra dəyişikliklər həyata keçirilib:
Əvvəllər açıq olan, trasa 1-ci döngənin sağ tərəfindən çıxış bağlanıb;
Reklam körpüsünün qorunması üçün 1-ci və 2-ci döngə arasında həm sol, həm də sağ tərəfdə yeni baryerlər quraşdırılıb;
2-ci və 7-ci döngələr arasındakı kəsikdəki baryer daha təhlükəsiz yerə köçürülüb;
2-ci döngənin sağ tərəfində əlavə təkər baryerlərinin (ikiqat) və TecPro baryerlərinin əlavə zolağı quraşdırılıb;
4-cü döngənin sağ tərəfində qoruyucu elementlərin xətti uzadılıb;
9-cu döngə ətrafında trasa qayıtmaq üçün çıxış əlavə edilib;
9-cu ilə 10-cu döngə arasındakı trasadan kənar sağ tərəf daha hamarlaşdırılıb;
Start düzlüyünün əvvəlində pit divarı uzadılıb, bokslardan çıxış işıqforu və sürət məhdudiyyəti işarəsi 50 metr qabağa köçürülüb;
Pit-leynin sonunda, boksların girişinə yaxın, dörd yeni boks tikilib. Buna görə də bokslara girişdə sürətə nəzarət xətti 140 metr əvvələ köçürülüb;
Binanın arxasında damında yeni helikopter eniş meydançası olan yeni tibbi mərkəz tikilib;
Pit divarı yeni boksların qarşısında yenidən qurulub;
Pit-leynin qapı zonasında açıq sahələr narıncı rənglə işarələnib;
Pit-leynin bəzi iş zonaları pürüzlülüyün aradan qaldırılması üçün düzləşdirilib;
1-ci döngəyə giriş və 8-ci döngədən çıxış zonalarında ağ xətdən kənarda mavi xətt əlavə edilib;
1-ci və 2-ci döngələr arasındakı trasın üzərində yeni reklam konstrukiyası quraşdırılıb;
1-ci döngədən çıxışda sağ tərəfdəki polad baryer birləşdirən yolun kənarına qədər uzadılıb;
8-ci ilə 9-cu döngələr arasında sağ tərəfdə yeni Geobrugg baryeri quraşdırılıb;
9-cu döngədən çıxışda çınqıl tələsindən sonra trasaya geri qayıtmağı asanlaşdırmaq üçün yeni asfalt hissəsi salınıb.
Avstriya trasında bir ötmə (overtake) rejimli zona var. Bu zonanın deteksiya (ölçmə) nöqtəsi 10-cu döngədən 50 metr əvvəl yerləşir. Ölçmə nöqtəsində rəqib maşından bir saniyə daxilində olduqda, sürücü əlavə 0.5 MJ elektrik enerjisi əldə etməklə ötmə rejimini aktivləşdirə biləcək. Ötmə rejiminin aktivləşmə (aktivasiya) nöqtəsi 10-cu döngədən 110 metr sonra yerləşir.
SM zonaları iki alt bölməyə ayrılıb – normal təkər ilişməsi şəraitində aktiv aerodinamikanın istifadə olunduğu zonalar (arxa və ön qanadın açılması mümkündür) və ilişmə səviyyəsi aşağı olan şəraitdə (nəm trasda yalnız ön qanadın açılması mümkündür) olan zonalar.
Normal ilişmə şəraitində aktiv aerodinamika aşağıdakı hissələrdə istifadə edilə bilər: 10-cu döngədən 110 metr sonra, 1-ci döngədən 110 metr sonra, 3-cü döngədən 90 metr sonra və 8-ci döngədən 10 metr sonra.
İlişmə səviyyəsinin azaldığı şəraitdə aktiv aerodinamika aşağıdakı hissələrdə istifadə edilə bilər: 10-cu döngədən 160 metr sonra, 1-ci döngədən 170 metr sonra, 3-cü döngədən 160 metr sonra və 8-ci döngədən 60 metr sonra.
