F-1.az xəbər verir ki. məşqlər xoşagəlməz insidentlə başlayıb – pit-leyndə Roman Qrojan və Rio Haryanto toqquşublar. Komandaların boksları qonşudur, mexaniklər sürücüləri eyni anda trasa buraxıblar, amma Haryanto çox ləng tərpəndiyi üçün maşınlar eyni anda eyni nöqtədə görüşməli olublar. Görünüşcə maşınların zədəsi ciddi görnməsə də, haryanto bir neçə dəqiqədən sonra trasa qayıtdığı halda, Haas maşınında mexaniklər altlığı da dəyişməli olublar.
Komandalar öz proqramları üzrə işləyiblər – Red Bull sürücüləri sıralanma turuna hazırlaşıblar, Mercedes AMG komandasının sürücüləri SuperSoft təkərlərin resursunu müəyyən etməyə çalışıblar. Yekunda təkərlər yalnız 12 dövrə dözüblər, sonra isə hər iki sürücü ciddi problem yaşayıblar. Rosberq 11-ci döngədən əvvəl əylənmədə Maqnussenlə toqquşmadan qaçmaq üçün trasdan çıxmalı olub. Ferrari sürücüləri isə Soft təkərlərlə həm qısa, həm də uzun dövrələr seriyasında işləyiblər.
Sessiyanın ikinci yarısında Mercedes AMG və Ferrari sürücüləri sıralanma turuna hazırlığa başlayıblar və dərhal Red Bull-un nəticəsini qat-qat yaxşılaşdırıblar. Toro Rosso sürücüləri belə ana komandanı üstələyiblər. Protokollara isə Lyuis Həmilton başçılıq edib.
Qarşıda bizi maraqlı sıralanma turu gözləyir…
| Yer | N | Sürücü | Komanda | Zaman | Fərq | Dövrə |
| 1 | 44 | Lyuis Həmilton | Mercedes AMG | 1:25.624 | – | 24 |
| 2 | 6 | Niko Rosberq | Mercedes AMG | 1:25.800 | + 0:00.176 | 25 |
| 3 | 5 | Sebastyan Fettel | Ferrari | 1:25.852 | + 0:00.228 | 25 |
| 4 | 55 | Karlos Sayns | Toro Rosso | 1:26.257 | + 0:00.633 | 28 |
| 5 | 7 | Kimi Rəykkönen | Ferrari | 1:26.435 | + 0:00.811 | 23 |
| 6 | 33 | Maks Ferstappen | Toro Rosso | 1:26.701 | + 0:01.077 | 26 |
| 7 | 77 | Valtteri Bottas | Williams | 1:26.730 | + 0:01.106 | 28 |
| 8 | 3 | Daniel Rikkardo | Red Bull | 1:26.768 | + 0:01.144 | 22 |
| 9 | 19 | Felipe Massa | Williams | 1:27.151 | + 0:01.527 | 28 |
| 10 | 11 | Serxio Peres | Force İndia | 1:27.242 | + 0:01.618 | 22 |
| 11 | 14 | Fernando Alonso | McLaren | 1:27.263 | + 0:01.639 | 20 |
| 12 | 22 | Censon Batton | McLaren | 1:27.341 | + 0:01.717 | 20 |
| 13 | 26 | Daniil Kvyat | Red Bull | 1:27.430 | + 0:01.806 | 22 |
| 14 | 9 | Markus Eriksson | Sauber | 1:27.659 | +0:02.035 | 26 |
| 15 | 20 | Kevin Maqnussen | Renault | 1:27.871 | + 0:02.247 | 24 |
| 16 | 27 | Niko Hülkenberq | Force İndia | 1:27.988 | + 0:02.364 | 22 |
| 17 | 30 | Colion Palmer | Renault | 1:28.117 | + 0:02.493 | 24 |
| 18 | 21 | Esteban Qutyerres | Haas | 1:28.284 | + 0:02.660 | 21 |
| 19 | 8 | Roman Qrojan | Haas | 1:28.292 | + 0:02.668 | 11 |
| 20 | 12 | Felipe Nasr | Sauber | 1:28.293 | + 0:02.669 | 26 |
| 21 | 94 | Paskal Verlyayn | Manor | 1:29.046 | + 0:03.422 | 18 |
| 22 | 88 | Rio Haryanto | Manor | 1:29.272 | + 0:03.648 | 23 |
