Onun sözlərinə görə, komanda bilərəkdən, demək olar ki, hər mərhələyə kiçik yeniliklər gətirmək praktikasından imtina edib və indi mövsümün ikinci yarısında daha böyük yeniliklərə üstünlük verir.
Toto Volff: “Ümid edirəm ki, yay fasiləsindən sonra irəliləyiş göstərəcəyik. Yenilikləri tətbiq etmək üçün zamanı çox diqqətlə seçmək lazımdır ki, onlar maksimum təsir versin. Əvvəllər olduğu kimi, demək olar ki, hər mərhələyə yeni detallar gətirmək artıq mümkün deyil.
Tez, ya da gec biz çox sayda yenilik təqdim edəcəyik, onlar irəliləyişə imkan verəcək. Sonra rəqiblər də ayaqlaşacaq və mübarizə yenidən daha sıx olacaq. Hazırda komanda nə qədər yenilik hazırlaya biləcəyimizi qiymətləndirir. Büdcə məhdudiyyəti baxımından hər şey qaydasındadır.
Biz maşının yeniliklərinin əsas hissəsini mövsümün ikinci yarısına saxlamağa çalışdıq. Görək, bu qələbə üçün kifayət edəcəkmi”.
