Sinqapur-2017: Sıralanma turu

F-1.az xatırladır ki, sərbəst yürüşlərdə Red Bull sürücüləri dominantlıq etmişdilər. Cümə günü həm birinci, həm də ikinci məşqlərdə Daniel Rikkardo, bu gün səhər isə Maks Ferstappen rəqiblərindən güclü olmuşdular.

Pirelli şəhər trasına ən yumşaq üçlüyü – UltraSoft, SuperSoft və Soft tərkiblərini gətirib, UltraSoft və SuperSoft arasında sürət fərqi bir saniyə olub, Soft tərkibi isə həftəsonunun gedişində demək olar ki, heç istifadə olunmayıb. Cümə günü tras sürüşkən olsa da, sıralanma turuna qədər trasın vəziyyəti xeyli yaxşılaşıb.

Birinci sessiyada bütün sürücülər trasa dərhal UltraSoft tərkiblərlə çıxıblar. Qrojan əyləc problemlərinə görə iki dəfə təhlükəsizlik cibinə girməli olub. Massa 21-ci döngədə divara toxunub və sağ arxa təkərini partladıb. Eyni yerdə divarla Okon və Qrojan da “öpüşüblər” – bu yerdə bir az əvvəl dəsək yarışlarında baş verən qəza zamanı yağ dağılmışdı. Boksda Kvyatın maşınından sıx tüstü buludu çıxsa da, Daniil işini davam etdirib.

Protokollara isə Ferstappen başçılıq edib – 1:42.010, Rikkardo komanda yoldaşına cəmi 0.053 saniyə uduzub. Mübarizəni isə Sauber və Williams sürücüləri ilə birlikdə Kevin Maqnussen dayandırıb.

İkinci sessiyaya da sürücülər UltraSoft tərkiblərlə başlayıblar. Fettel əvvəlcə protokollara başçılıq etsə də, Ferstappen sonda yenə də zirvəyə yüksəlib – 1:40.379. İkinci cəhdində Maks nəticəni bir qədər də yaxşılaşdırıb – 1:40.332. Maraqlıdır ki, Rikkardo bu dəfə də komanda yoldaşına 0.053 saniyə uduzub. Palmer, Peres, Kvyat, Okon və Qrojan son sessiyaya keçə bilməyiblər.

Son sessiyada Fettel ilk cəhdində Ferstappeni üstələyib, ikinci cəhdində isə nəticəsini bir qədər də yaxşılaşdıraraq poul qazanıb – 1:39.491: mövsümdə 3-cü poul almaniyalı sürücünün karyerasında 49-cu olub. Sabah Fettellə yanaşı birinci cərgədən Ferstappen start alacaq. İkinci cərgədən yarışa Rikkardo və Rəykkönen başlayacaqlar. Üçüncü cərgəni Mercedes sürücüləri zəbt ediblər.

Sabah bizi maraqlı start və yarış gözləyir…

Yer	N	Sürücü	Komanda	1-ci sessiya			2-ci sessiya			3-cü sessiya
Yer	N	Sürücü	Komanda	Yer	Zaman	Dövrə	Yer	Zaman	Dövrə	Zaman	Dövrə
1	5	Sebastyan Fettel	Ferrari	12	1:43.336	6	4	1:40.529	6	1:39.491	7
2	33	Maks Ferstappen	Red Bull	1	1:42.010	5	1	1:40.332	6	1:39.814	7
3	3	Daniil Rikkardo	Red Bull	2	1:42.063	5	2	1:40.385	6	1:39.840	7
4	7	Kimi Rəykkönen	Ferrari	11	1:43.328	6	3	1:40.525	6	1:40.069	6
5	44	Lyuis Həmilton	Mercedes AMG	6	1:42.455	5	5	1:40.577	6	1:40.126	6
6	77	Valtteri Bottas	Mercedes AMG	10	1:43.137	4	8	1:41.409	6	1:40.810	6
7	27	Niko Hülkenberq	Renault	9	1:42.586	6	7	1:41.277	6	1:41.013	6
8	14	Fernando Alonso	McLaren	3	1:42.086	8	9	1:41.442	6	1:41.179	6
9	2	Stoffel Vandorn	McLaren	5	1:42.222	8	6	1:41.227	5	1:41.398	6
10	55	Karlos Sayns	Toro Rosso	4	1:42.176	8	10	1:41.826	6	1:42.056	6
11	30	Colion Palmer	Renault	7	1:42.472	6	11	1:42.107	6
12	11	Serxio Peres	Force İndia	13	1:43.594	3	12	1:42.246	5
13	26	Daniil Kvyatt	Toro Rosso	8	1:42.544	8	13	1:42.338	6
14	31	Esteban Okon	Force İndia	14	1:43.626	5	14	1:42.760	6
15	8	Roman Qrojan	Haas	15	1:43.627	8	15	1:43.883	5
16	20	Kevin Maqnussen	Haas	16	1:43.756	8
17	19	Felipe Massa	Williams	17	1:44.014	6
18	18	Ləns Stroll	Williams	18	1:44.728	9
19	94	Paskal Verlyayn	Sauber	19	1:45.059	9
20	9	Markus Eriksson	Sauber	20	1:45.570	6