F-1.az bildirir ki, Stefano Domenikali və Muhamməd ben Sülayem komanda rəhbərləri və sürücülərlə brifinq keçirib. Buna görə də sessiyanın başlaması 15 dəqiqə təxirə salınıb. Brifinqdən həftəsonunu davam etdirilməsi barədə müsbət qərar qəbul edilib.
Ciddədə ikinci sərbəst yürüşlər sıralanma turu və yarışla eyni saatda başladığı üçün əsas məşq sessiyası hesab olunur. Sürücülər həm uzun dövrələr vuraraq sazlanmalar və təkərlərin aşınmasını yoxlamaq üzərində işləyiblər, həm də qısa dövrələrlə sıralanma turuna hazırlaşıblar.
Haas mexanikləri Maqnussenin maşınındakı hidravlik problemləri həll ediblər. Danimarkalı sürücü bu dəfə də güc itkisindən şikayət edib. Sonra sürətlənsə də, qəza edib və bolidin təxliyəsi üçün Virtual Təhlükəsizlik Maşını rejimi elan edilib.
Həmilton kokpitdən ətrafı zəif görməsindən şikayət edib və onun oturacağının qaldırılması vaxt itkisinə səbəb olub. Ferrari sürücülərinin hər ikisi insidentdə yadda qalıb – Lekler sol on, Sayns isə sağ ön təkəri zədələyib və sessiyanı erkən başa vurub. Leklerdə hətta asılqan da zərər görüb.
Sessiya başa çatdıqdan sonra güc qurğusu sönən Tsunoda təhlükəsizlik cibində maşını saxlayıb.
Protokollara yenə Şarl Lekler başçılıq edib – 1:30.074. Məşqlər sabah davam edəcək…
| Yer | N | Sürücü | Komanda | Zaman | Fərq | Dövrə |
| 1 | 16 | Şarl Lekler | Ferrari | 1:30.074 | – | 15 |
| 2 | 1 | Maks Ferstappen | Red Bull | 1:30.214 | + 0:00.140 | 22 |
| 3 | 55 | Karlos Sayns | Ferrari | 1:30.320 | + 0:00.246 | 12 |
| 4 | 11 | Serxio Peres | Red Bull | 1:30.360 | + 0:00.286 | 23 |
| 5 | 44 | Lyuis Həmilton | Mercedes AMG | 1:30.513 | + 0:00.439 | 23 |
| 6 | 63 | Corc Rassell | Mercedes AMG | 1:30.664 | + 0:00.590 | 28 |
| 7 | 4 | Lando Norris | McLaren | 1:30.735 | + 0:00.661 | 25 |
| 8 | 31 | Esteban Okon | Alpine | 1:30.760 | + 0:00.686 | 25 |
| 9 | 77 | Valtteri Bottas | Alfa Romeo | 1:30.832 | + 0:00.758 | 14 |
| 10 | 22 | Yuki Tsunoda | AlphaTauri | 1:30.886 | + 0:00.812 | 26 |
| 11 | 14 | Fernando Alonso | Alpine | 1:30.944 | + 0:00.870 | 26 |
| 12 | 10 | Pyer Qasli | AlphaTauri | 1:30.963 | + 0:00.889 | 28 |
| 13 | 11 | Mik Şumaxer | Haas | 1:31.169 | + 0:01.095 | 26 |
| 14 | 18 | Ləns Stroll | Aston Martin | 1:31.372 | + 0:01.298 | 27 |
| 15 | 3 | Daniel Rikkardo | McLaren | 1:31.527 | + 0:01.453 | 22 |
| 16 | 27 | Niko Hülkenberq | Aston Martin | 1:31.615 | + 0:01.541 | 29 |
| 17 | 24 | Quanyu Çjou | Alfa Romeo | 1:31.615 | + 0:01.541 | 26 |
| 18 | 6 | Nikolas Latifi | Williams | 1:31.814 | + 0:01.740 | 25 |
| 19 | 31 | Esteban Okon | Williams | 1:31.866 | + 0:01.792 | 28 |
| 20 | 20 | Kevin Maqnussen | Haas | 1:32.344 | + 0:02.270 | 13 |
