Williams komandasının heyətində ikinci yarışında da Rubens Barrikello xal toplaya bilib. Düzdür, braziliyalı sürücü hesab edir ki, yarışı yeddinci yerdə də başa vura bilərdi…
Rubens Barrikello: “Pis yarış olmadı, amma mən yeddinci olmalı idim. Biz sliklərə vaxtında keçdik və mən hücuma atıldım. Amma ikinci dəfə pit-stopa gedəndə güman edirdim ki, rəqiblər də belə edəcəklər. Ən azı Liutsini qabaqlaya bilərdim. Hərçənd, ikinci ardıcıl yarışda xal toplamağım da pis deyil. Maşın kifayət qədər sürətlidir, amma biz bir az da işləməliyik ki, podium qazana bilək.”
