Çətinliklərə baxmayaraq, Cadillac rəhbəri Qrem Loudon yay fasiləsinə qədər komandanın artıq əldə etdiyi nailiyyətlərdən qürur duyur. Britaniyalı mütəxəssis bildirib ki, 2026-cı ildə Cadillac gələcək uğurlar üçün təməl qoyur.
Qrem Loudon: “Cadillac-ın Formula 1-də debüt mövsümünün ilk yarısı bütün komanda üçün ciddi sınaq oldu. Eyni zamanda bu, çox maraqlı və dəyərli bir təcrübə idi.
Formula1-də yeni komanda yaratmaq böyük məsələdir. Mən dəfələrlə demişəm ki, Formula1 dünyanın ən böyük komanda idman növüdür. Onun unikallığı ondadır ki, bütün komandalar eyni şəraitdə olurlar və dərhal özünü dünyanın ən yaxşıları ilə müqayisə edirsən.
Bütün rəqiblərimizin böyük təcrübəsi var və rəqabət səviyyəsi inanılmaz dərəcədə yüksəkdir. Məsələn, Macarıstandakı təsnifat turunda biz Williams-a cüzi fərqlə uduzduq, baxmayaraq ki, bu komanda Formula1-də çoxdan çıxış edir.
Nəticələrimizə gəlincə, Formula1-də tam razı olmaq mümkün deyil. Həmişə daha çox istənir, həmişə irəliləmək arzusu var. Biz başa düşürük ki, demək olar ki, hər şeydə daha yaxşı ola bilərik – maşının işində, onun effektivliyində, sistemlərimizi necə istifadə etməyimizdə və digər bir çox aspektdə.
Hər şeyə bir yerdən başlamaq lazımdır. Mənim fikrimcə, komandanın hər bir üzvü indi olduğumuz mövqelərə çatmağımız üçün əla iş görüb.
Komandanın hər kəsi Cadillac-ı təmsil etməkdən qürur duyur və biz komandayı, hesab edirik ki, çata biləcəyimiz səviyyəyə çıxarmaq istəyirik. Biz dəfələrlə demişik ki, çox ambisiyalı planlarımız var və bu özündənrazılıq deyil. Biz həqiqətən Formula1-ə nəsə yeni şey gətirmək istəyirik.
Biz buraya yalnız iştirakçı sayını artırmaq üçün gəlməmişik. Eyni zamanda, qarşıda duran vəzifənin nə qədər çətin olduğunu yaxşı başa düşürük və hər şeyə zaman lazım olduğunu bilirik. Kanoedə dayanıb topdan atəş açmaq olmaz – əvvəlcə möhkəm təməl qurmaq lazımdır. Məhz bu işlə biz bu mövsümdə məşğul oluruq”.
