18 Dekabr 2018, Çərşənbə axşamı - 23:18

M.Arrivabene təyinatını dəyişir?

M.Arrivabene təyinatını dəyişir?

Müəllif: Rəhim N.Əliyev, baş redaktor

15:07 - 02 Oktyabr, 2018

Ferrari komandasının başçısı Mauritsio Arrivabenenin adı Turinin Juventus futbol klubunun direktoru vəzifəsinə namizədlər siyahısına salınıb. Siyahıda adları çəkilənlərin klubun idarə heyətinə üzv, onlardan birinin isə klubun baş direktoru vəzifəsinə təyin olunması gözlənilir.

F-1.az xatırladır ki, uzun müddət “qoca sinyora”ya başçılıq etmiş Beppe Marotta bu il istefaya gedəcəyini açıqlayıb. Arrivabene isə FİAT konserninin, Ferrari şirkətinin və Juventus klubunun məxsus olduğu Exor holdinqinin sahibi Anyeli ailəsi ilə sıx münasibətdədir. Ona görə də istisna deyil ki, məhz ona komandaya başçılıq etmək həvalə olunacaq.

Exor dünən Juventus-un direktorlar şurasına daxil olacaq namizədlərin siyahısını dərc edib və bu siyahıda Arrivabenenin adı sonuncu – 9-cu yerdədir. Amma buna baxmayaraq, yerli jurnalistlər məhz Mauritsionun şansının daha yüksək olmasını bildiriblər.

İstənilən halda, əgər italiyalı mütəxəssis işini dəyişməli olsa, Ferrari komandasının rəhbərliyində ciddi dəyişikliklər olacaq…


Son Xəbərlər

İnformasiya

Bölüm Xəbərlər
Mənbə
Baxış Sayı 657
Teqlər , ,
Paylaş

logo