Bu insidenti şərh edərkən Hülkenberq deyib ki, bu onun həyatındakı ən qəribə yarışdan kənar qalamsı olub. Əlbəttə, o çox məyus olub, çünki həmin anda 10-cu yeri tuturdu və xallar qazana bilərdi.
Kristian Dannər, keçmiş Formula1 sürücüsü və hazırda Avstriyanın Motorsport Magazin nəşrinin eksperti, hesab edir ki, Nikonun bəxti gətirib, çünki belə hadisə daha ciddi nəticələrə gətirib çıxara bilərdi.
“Bu təhlükəlidir, – deyə o bilditib. – Niko Hülkenberq üçün mühərrikin sönməsi bəxtsizlik oldu, amma daha ağır nəticələrin olmaması baxımından şanslı idi. Əgər başqa maşının təkərlərinin altından nəsə uçub sürücünün dəbilqəsinə dəyərsə, bu həqiqətən təhlükəlidir”.
Dannər 2009-cu ildə Macarıstanda baş vermiş epizodu nəzərdə tutur; o zaman Brawn komandasından Rubens Barrikellonun maşınından yay uçaraq onun həmvətəninin, Ferrari-nin braziliyalı sürücüsü Felipe Massanın dəbilqəsinin vizoruna dəymişdi.
O vaxtlar sürücülərin dəbilqələri, xüsusilə ön hissələri, vizorları, hələ o qədər möhkəm deyildi. FİA həmin hadisəyə reaksiya verərək qaydaları dəyişdi, buna görə indi dəbilqənin həmin hissəsi xüsusi Zylon polimerindən hazırlanmış əlavələrlə gücləndirilib.
İndi əlavə təhlükəsizlik tələbləri qaydalara daxil edilməyib; bu məsələ ilə dəbilqə istehsalçıları məşğul olur və məqsəd Massanın başına gələn kimi hadisələrin təkrarlanmamasını təmin etməkdir. Yenə də, karbondan hazırlanmış yarış dəbilqələri mümkün qədər yüngül olmalıdır, lakin onlar həm qəzaya qarşı testlərdən, həm də xüsusi ballistik sınaqlardan keçir; bu sınaqlarda təxminən 250 km/saat sürətlə metal lövhə dəbilqəyə vurulur.
“Əgər daş hər hansı açara və ya ötürücü mexanizmə dəyərsə, belə zərbələrin mümkün nəticələrini kiçiltməmək lazımdır, – deyə Dannər davam edib. – Mən artıq indi əminliklə deyə bilərəm ki, tezliklə bu cür daşlardan istifadə etməklə ballistik testlər hazırlanacaq. Şübhəsiz, FİA bunu belə qoymayacaq və bu epizod yeni sınaqların və təhlükəsizlik tələblərinin tətbiqinə gətirib çıxaracaq.”
