F-1.az xəbər verir ki, buna görə də ikinci məşqlərin vaxtı yarım saat uzadılıb və yarım saat tez başlayıb. FİA təsdiq edib ki, trasda kameralar üzərində iş başa çatıb, problem müvəqqəti olaraq həll olunub və hər hansı çətinliklərin təkrarlanacağı halda onların ehtiyat planı var.
Asfaltın vəziyyəti yaxşı olmayıb. Sürücülər sərt asılqanlardan, asfaltla ilişmənin olmamasından şikayətləniblər.
Ferstappen sürət qutusunun sinxronizasiyasından şikayətlənib və bunu həll etməyə xeyli vaxt sərf olunub. Proqnozlar güclü yağış vəd etdiyindən hamı proqramını yerinə yetirmək üçün tələsib.
Sakit keçən sessiyanın 30-cu dəqiqəsindən qırmızı bayralqar peyda olub – Hülkenberqin maşını pit-leynə daxil olduqdan sonra tüstülənib və dayanıb. Marşallar onu söndürməyə tələsdibər, məyus Niko isə boksa piyada qayıdıb – xoşbəxtlikdən o, uzaqda olmayıb.
Səkkiz dəqiqədən sonra sürücülər yenidən yola düşüblər. Peres səkkizinci döngənin çıxışında baryerə toxunduqdan sonra yavaş-yavaş pitə qayıtsa da, maşına heç bir ziyan dəyməyib. Bir neçə dəqiqədən sonra qırmızı bayraqlar yenidən dalğalanıb – Okon doqquzuncu döngənin çıxışında mühəndisin əmri ilə maşını saxlayıb. Hamı bokslara qayıdıb.
Yaşıl işıqlar yandıqdan sonra səma qara buludlarla örtüldüyü üçün hamı trasa tələsib. Bir neçə sürücü Çempionlar divarı ilə toqquşmaqdan son anda qurtulublar. Az sonra proqnozlaşdırılan güclü yağış başlayıb və hamı bokslara qayıdıb.
Sessiyanı davam etdirməyin mənası olmayıb. Lyuis Həmilton 1:13.718-lik nəticə ilə protokollara başçılıq edib. Məşqlər sabah davam edəcək. Lakin sabaha da yağış proqnozlaşdırılıb…
BİRİNCİ SESSİYANIN NƏTİCƏLƏRİ
| Yer | N | Sürücü | Komanda | Zaman | Fərq | Dövrə |
| 1 | 44 | Lyuis Həmilton | Mercedes | 1:13.718 | – | 30 |
| 2 | 63 | Corc Rassell | Mercedes | 1:13.745 | + 0:00.027 | 31 |
| 3 | 55 | Karlos Sayns | Ferrari | 1:13.844 | + 0:00.126 | 39 |
| 4 | 14 | Fernando Alonso | Aston Martin | 1:14.044 | + 0:00.326 | 38 |
| 5 | 16 | Şarl Lekler | Ferrari | 1:14.094 | + 0:00.376 | 38 |
| 6 | 1 | Maks Ferstappen | Red Bull | 1:14.142 | + 0:00.424 | 34 |
| 7 | 77 | Valtteri Bottas | Alfa Romeo | 1:14.220 | + 0:00.502 | 34 |
| 8 | 11 | Serxio Peres | Red Bull | 1:14.250 | + 0:00.532 | 40 |
| 9 | 18 | Ləns Stroll | Aston Martin | 1:14.419 | + 0:00.701 | 31 |
| 10 | 10 | Pyer Qasli | Alpine | 1:14.477 | + 0:00.759 | 39 |
| 11 | 81 | Oskar Piastri | McLaren | 1:14.533 | + 0:00.815 | 38 |
| 12 | 20 | Kevin Maqnussen | Haas | 1:14.544 | + 0:00.826 | 35 |
| 13 | 4 | Lando Norris | McLaren | 1:14.617 | + 0:00.899 | 40 |
| 14 | 24 | Quanyu Çjou | Alfa Romeo | 1:14.811 | + 0:01.093 | 37 |
| 15 | 22 | Yuki Tsunoda | AlphaTauri | 1:14.941 | + 0:01.223 | 43 |
| 16 | 21 | Nik de Friz | AlphaTauri | 1:15.002 | + 0:01.284 | 38 |
| 17 | 23 | Aleksander Elbon | Williams | 1:15.003 | + 0:01.285 | 33 |
| 18 | 31 | Esteban Okon | Alpine | 1:15.092 | + 0:01.374 | 17 |
| 19 | 2 | Loqan Sarcent | Williams | 1:15.426 | + 0:01.708 | 38 |
| 20 | 27 | Niko Hülkenberq | Haas | 1:16.369 | + 0:02.651 | 11 |
