F-1.az xatırladır ki, “narıncılar” İspaniyaya başda ön qanad olmaqla çoxlu yeniliklər gətiriblər. Buna baxmayaraq, Alonso cümə günü liderdən 1.7 saniyə geri qalaraq 12-ci yeri tutub. Lakin ispaniyalı çempion öz publikası önündə sıralanma turunun son sessiyasına qalacağına inanır.
Fernando Alonso: “Yeniliklər yaxşıdır. İrəliyə doğru addım atmışıq. Boliddə özümü yaxşı hiss etdim. Asfaltla ilişmə daha yaxşıdır. Məncə, nəticələr küləyə və isti havaya görə aldadıcıdır. Şənbə günü əsl potensialımızı görəcəyik. Ümumilikdə hazırda daha rəqabətədavamlıyıq. Ümid edirəm ki, mövsümdə ilk dəfə sıralanma turunun son sessiyasına qalarıq”.
