F-1.az xatırladır ki, ispaniyalı sürücü sonuncu dəfə 2014-cü ildə Macarıstanda podiuma yüksəlib və ondan sonra Formula1 iki dəfə şampan istehsalçısını dəyişib.
Fernando Alonso: “Əvvəldən proqnoz vermək çətindir. Bura Formula1-dir. Hər şey ola bilər. Ən böyük favorit Mercedes-in belə nə edəcəyi məlum deyil. Amma Red Bull-un Renault mühərrikləri ilə performansını görürük. Sıralanma turunda zəif olsalar da, yarışda sürətlidirlər. Podiuma çıxdılar və üç yarış qazandılar. Belə olsa, yenidən şampan içə bilərik. Məncə, son 3 ildə hər şey dəyişdi. Çətin günlərimiz oldu. Yeni şeylər öyrəndik. Komanda hazırda əla vəziyyətdədir. Komanda heç vaxt təslim olmadı”.
