F-1.az xatırladır ki, Red Bull komandası bu mövsüm İspaniyada ən yaxşı həftəsonu başlanğıcını edib. “Qırmızı öküzlər” hazırda əsas rəqiblərindən cəmi 0.6 saniyə geri qalırlar.
Daniel Rikkardo: “Sözün açığı, harada olduğumuzu bilməliyik. Hələ də ən sürətli 3-cü komandayıq. Nəticədə bütün komandalar buraya yeni detallarla gəliblər və bizim üçün yeniliklərdən lazımi faydanı əldə etmək çox vacib idi. Ümid edirəm ki, yarışda özümüzə şans yarada bilərik. Buraya gələndə bir məqsədimiz var idi – fərqi azaltmaq. Bazamızda çoxlu və güclü mühəndislər var və hamısı əllərindən gələni edirlər. Ümid edirəm ki, yenidən rəqabətədavamlı olarıq”.
