TPC proqramı əvvəlki illərin maşınları ilə testləri nəzərdə tutur və avstraliyalı burada Toyota-nın dəstəklədiyi yaponiyalı sürücülər Rio Hirakava və Şo Tsuboi ilə birlikdə işləyib.
“Mən yenidən Formula1 maşınının sükanı arxasına qayıtmışam və bu, inanılmaz hisslər bəxş edir”, – deyə 23 yaşlı sürücü sosial şəbəkə hesablarında yazıb, həmçinin ona belə bir imkan yaratdığı üçün komandaya təşəkkür edib.
Haas-da hələlik növbəti mövsümün heyəti ilə bağlı heç bir açıqlama verilməyib, amma gözlənilir ki, Oliver Börman komandada qalacaq, Esteban Okonun taleyi isə sual altındadır. Komanda Mühəndislər Kubokuda 21 xalla 7-ci yerdədir və bu xalların cəmi 3-nü Okon qazanıb.
Xeresdən əvvəl Haas Portuqaliyadakı Portiman trasında da TPC testləri keçirib və həmin testlərdə Rafael Kamara (məhz o, Börmanın komanda yoldaşı yeri üçün əsas namizəd sayılır), McLaren-in ehtiyat sürücüsü Leonardo Fornaroli, eləcə də Hirakava iştirak ediblər.
Bu yaxınlarda biz Amerika komandasının rəhbəri Ayo Komatsunun şərhini təqdim etmişdik. O əmin edib ki, “Biz sürücüləri nəticələrinə görə seçirik. Ona görə də sürət sözsüz ki, prioritetdir. Əgər iki sürücünün göstəriciləri təxminən eynidirsə, onda artıq əlaqələr və ya sponsor dəstəyinin əhəmiyyəti olur”.
Haas həm Ferrari, həm də Toyota ilə möhkəm işgüzar əlaqələrə malikdir, Kamara isə İtaliya komandasının gənclər proqramının üzvüdür. Duhəndə belə dəstək yoxdur, buna görə o, yalnız öz gücünə və sürətinə arxalana bilər.
