Çempionatın lideri Monako Qran Prisinin startında poul qazanaraq üstünlüyünü möhkəmlətmək üçün əla şans alıb. Bu Battonun mövsümdə dördüncü pouludur, ilk üç poulu – Melburnda, Malayziyada və Barselonada britaniyalı sürücü qələbəyə çevirə bilib…
Censon Batton: “Mübarizə gərgin oldu, uik-end ərzində Rubens məndən sürətli idi, McLaren, Ferrari və Red Bull maşınları da süətli idilər, amma son nəticədə mən poul qazana bildim. Mən xoşbəxtəm!
Kənardan elə görünə bilər ki, poul mənə asanlıqla başa gəldi, amma hələ cümə axşamı sərbəst yürüşlərindən sonra bilmirdim ki, nəyə ümid edə bilərəm. Uik-endin gedişində inkişaf əldə etdik, amma yarış çətin olacaq. Əlbəttə, mən mövqeyimi qorumağa çalışacam – mövsüm əla başlayıb, ümid edirəm ki, sabah bizi daha bir yaxşı gün gözləyir!”
