Quru. Günəşli. Havanın temperaturu +30°-31° C, trasın temperaturu +37°-41° C

Bu gün səhər komandalar dünən topladıqları məlumatların təhlilinə uyğun olaraq sazlanmalara düzəlişlər ediblər və sıralanma turu ilə yarışa hazırlıqlarını davam etdiriblər.

Dünənki sessiyalardan və dəstək seriyalarının iştirakından sonra asfalt işlənmiş rezin qatı ilə örtülüb, ona görə də asfaltla ilişmə çox yaxşılaşıb, təkərlərin yeyilməsi isə bir qədər azalıb. Bəhreyn trasının konfiqurasiyası ötməyə imkan verir, ona görə də komandaların çoxu dərhal yarış sazlanmaları üzərində işləməyə başlayıb.

Sessiya sakit keçib. Sessiyanın ortalarında Fernando Alonso 2-ci döngənin çıxışında səhvə yol verib və yerində fırlanıb. Maks Çiltonun maşınında problemlər yaşanıb, komanda problemi operativ həll edə bilməyib. Sessiya başa çatdıqdan sonra isə Lyuis Həmiltonun maşınında sol arxa təkər partlayıb, amma sürücü boksa qədər çata bilib.

Protokollara Alonso başçılıq edib – 1:33.247, amma nəticələr çox sıx alınıb: ilk altılıq 0.2 saniyəyə, ilk 13 sürücü isə 1 saniyəyə yerləşiblər – sıralanma turunda gərgin mübarizə gözləyirik!

Nəticələr belə olub:

Quru və tozlu tras. Günəşli. Havanın temperaturu +30° C, trasın temperaturu +41° C

Bu gün səhər küləl güclənib, trası qum və tozla doldurub – görmə pisləşib, amma tibbi helikopter səmaya qalxa bilib, ona görə də sessiya vaxtında başlayıb. Asfalt qum qatı ilə örtülüb, ilişmə pisləşib, amma tezliklə sürücülər trayektoriyanı təmizləyiblər və komandalar dünən başladıqları işi davam etdiriblər.

Sebastyan Fettelin maşınında qazburaxma sisteminin problemləri üzə çıxıb, amma mexaniklər problemi tezliklə həll ediblər və sürücü trasa qayıdıb.

Sessiya sakit keçib, sürücülər sarı təkərlərlə sıralanma turu rejimində də işləyiblər. Dünən nahardan sonra olduğu kimi protokollara Niko Rosberq başçılıq edib.

Nəticələr belə olub: