Bəhreyn Krallığı Ərəb körfəzinin cənubunda Səudiyyə Ərəbistanının şərq sahili və Qətər yarımadası arasında yerləşən 36 adadan ibarət arxipelaqda yerləşir. Ən uzun Bəhreyn adasının uzunluğu 48 km, eni isə 15 km-dir. Ölkənin ümumi sahəsi 663 kv.m, paytaxtı isə Manama şəhəridir (əhalisi 110 min nəfər).
Tras: Bahrain İnternational Circuit
Dövrənin uzunluğu: 5412 m
Dövrələrin sayı: 57
Ümumi məsafə: 308.230 km
Texniki cəhətdən avtodrom təcil və əyləcə tələbkardır, burda demək olar ki, sürətli döngə yoxdur, amma ötmək üçün yerlər var. Ətraf qumlu ərazilərə xüsusi yapışqanlı mayenin səpilməsinə baxmayaraq tras qum dənəciklərilə dolu olur, komandalar əlavə süzgəclərdən istifadə edirlər, bu isə motorun və əyləc sisteminin soyumasını çətinləşdirir. 2010-cu ildə trasın yeni konfiqurasiyasından istifadə olunmuşdu, dördüncü və beşinci döngələr arasındakı sahədə uzunluğu 887 metr olan yeni yol salınmışdı, ona görə də dövrələrin sayı 57-dən 49-a düşmüşdü.
Keçən il yenidən trasın köhnə konfiqurasiyasına qayıdılıb. Uzun start düzlüyü və nisbətən yavaş orta hissə mühəndisləri ənənəvi olan asfalta yatma qüvvəsi və düz yolda sürət arasında kompromisi axtarmağa məcbur edir.
Pirelli şirkəti komandalara Medium və Hard tərkibləri təqdim edəcək, asfalt cod olduğu üçün təkərin yeyilməsi yüksək olacaq, qumlu sahələrə düşən təkərlər isə daha çox əziyyət çəkəcəklər…
