Malayziyada keçiriləcək yarış həftəsonunun rəsmi proqramı hələ dərc edilməyib, lakin Formula1 tətbiqində Sepanqda keçiriləcək yarışın yerli vaxtla saat 20:00-da başlayacağı barədə məlumat görünüb. Daha sonra avtodromun icraçı direktoru Acan Şafriman Hənif bu məlumatın səhv olduğunu bildirib.
“Yarış axşam yox, gündüz keçiriləcək”, – deyə Acan Şafriman Hənif yerli Bernama xəbər agentliyinə qısa şərh verib.
İtaliyanın Auto Racer nəşrinin məlumatına görə, oktyabrın 4-də Malayziyada keçiriləcək Bəhreyn Qran Prisinin startı yerli vaxtla saat 15:00-a (Bakı vaxtı ilə saat 11:00) planlaşdırılıb.
