Barselonanın yaxınlığında Katalunya trasında mövsümöncəsi testlərin ikinci seriyasının ikinci günü başlayıb. Proqnoz yağışsız gün vəd edir, hazırda havanın temperaturu +14 dərəcədir.
Bu gün bir çox komandalarda sürücülər dəyişib – Mercedes AMG-də Niko Rosberqi Lyuis Həmilton, Sauber-də Esteban Qutyerresi Niko Hülkenberq, Williams-da Pastor Maldonadonu Valtteri Bottas əvəz ediblər. Onlardan başqa bu gün trasda Sebastyan Fettel (Red Bull), Fernando Alonso (Ferrari), Serxio Peres (McLaren), Kimi Rəykkönen (Lotus), Pol di Resta (Force İndia), Daniel Rikkardo (Toro Rosso), Şarl Pik (Caterham) və Maks Çilton (Marussia) dünən başladıqları işi davam etdirəcəklər…
