F-1.az xatırladır ki, niderlandlı sürücü geridə qoyduğumuz mövsümdə 22 yarışda 15 qələbə qazanıb və mövsümün sonuna dörd mərhələ qalmış ardıcıl ikinci dünya çempionluğunu rəsmiləşdirib. Ferstappen ötən mövsüm Formula1-dəki əsas rəqibi Şarl Leklerdən, İndyCar çempionu Vill Pauerdən və Formula E çempionu Stoffel Vandordan çox səs toplayıb.
Maks Ferstappen: ““Ardıcıl ikinci dəfə mənə səs verən bütün azarkeşlərə təşəkkür edirəm. Mövsümün çətin başlanğıcından sonra vəziyyəti dəyişmək əsl komanda işi idi. Komandanın üzvlərinin çəkdiyi zəhmət böyük təşəkkürə layiqdir. 2023-cü ildə trasda görüşənədək”.
