Keçən illə müqayisədə Sinqapurda pit-leyn divarı geri çəkilərək bir metr genişləndirilib, sağ tərəfdə 10-cu döngədən əvvəlki divar yenidən qurulub və birinci, üçüncü və on altıncı döngələr apekslərindəki narıncı porebriklər götürülüb.
Sinqapur trasında ötmə rejimi üçün bir zona var. Bu zonanın deteksiya (ölçmə) nöqtəsi 17-ci döngəyə girişdə yerləşir. Ölçmə nöqtəsində rəqibinin maşınından bir saniyə daxilində geri qalan sürücü ötmə rejimini aktivləşdirərək əlavə elektrik enerjisi əldə edə biləcək. Ötmə rejiminin aktivasiya nöqtəsi 17-ci döngədən 30 metr sonradır.
SM zonaları iki altbölməyə ayrılıb – aktiv aerodinamikanın təkərlərin trasla normal ilişməsi şəraitində istifadə olunduğu zonalar (arxa və ön antiqanadın açılması mümkündür) və ilişmənin azaldığı şəraitdə istifadə olunduğu zonalar (yaş trasda yalnız ön antiqanadın açılması mümkündür).
Normal ilişmə şəraitində aktiv aerodinamikadan 19-cu döngədən 30 metr sonra, 5-ci döngədən 50 metr sonra, 9-cu döngədən 70 metr sonra, 13-cü döngədən 115 metr sonra və 15-ci döngədən 70 metr sonra başlayan hissələrdə istifadə etmək olar.
İlişmənin azaldığı şəraitdə aktiv aerodinamikadan 19-cu döngədən 90 metr sonra, 9-cu döngədən 120 metr sonra, 13-cü döngədən 165 metr sonra və 15-ci döngədən 90 metr sonra başlayan hissələrdə istifadə etmək olar.
