20 Avqust 2019, Çərşənbə axşamı - 05:05

Sinqapur-2016: Sıralanma turu

Sinqapur-2016: Sıralanma turu

Müəllif: Elçin Zodorov, redaktor

21:05 - 17 Sentyabr, 2016

Keçən mövsüm burada fiaskoya uğrayan Mercedes AMG sıralanma turunun xüsusilə də, son sessiyasında özünə gəlib. Niko Rosberq möhtəşəm dövrə vuraraq 2-ci yerin sahibi Daniel Rikkardonu yarım saniyə, komanda yoldaşı Lyuis Həmiltonu isə 0,7 saniyə üstələyib.

F-1.az xəbər verir ki, birinci sessiyada Sebastyan Fettelin mübarizəni dayandırması istisna olmaqla, başqa sürpriz olmayıb. Texniki problem yaşayan alman sürücü yaxşı nəticə göstərə bilməyib və sabah yarışa son sıradan başlayacaq. İlk sessiyada mübarizəni dayandıran digər sürücülər isə Sauber-dən Felipe Nasr, Renault sürücüləri Kevin Maqnussen və Colion Palmer, Manor-dan Paskal Verlyayn və Esteban Okon olub.

İkinci sessiyanın sonlarında bir çox sürücünün dövrəsi Roman Qrojanın qəzası ucbatından boşa gedib. Qəzanın nəticələrinin aradan qaldırılması son sessiyanın 10 dəqiqə gec başlamasına səbəb olub. Williams-ın sürücüləri Valtteri Bottas və Felipe Massa ancaq və ancaq müvafiq olaraq 11-ci və 12-ci ola biliblər. Səhvə yol verən Censon Batton 13-cü, Haas sürücülər Roman Qrojan və Esteban Qutyerres 14-cü və 15-ci olublar. İkinci sessiyaya keçməsi uğur sayılan Sauber-in sürücüsü Markus Erikson isə 16-cı olub.

Üçüncü sessiyada hər kəs Red Bull sürücülərinin və Kimi Rəykkönenin Mercedes AMG sürücüləri ilə poul uğrunda vuruşacağını gözləyirdi. Lakin sabah 200-cü yarışına çıxacaq olan Niko Rosberq möhtəşəm dövrə ilə 1:42.584-lük nəticə əldə edib və poulu qazanıb. Daniel Rikkardo ikinci yeri tutarkən, çempionatın lideri Lyuis Həmilton ilk döngədə səhvə yol verib və yekunda 3-cü olub. Maks Ferstappen 4-cü olub və bununla da ilk iki cərgə Mercedes AMG və red Bull pilotları tərəfindən zəbt edilib. Lakin bir məqama diqqət yetirmək lazımdı. İkinci sessiyada SuperSoft təkərlərlə nəticə göstərən Red Bull sürücüləri sabah yarışa elə bu təkərlərlə başlayacaqlar və bu, onların xeyrinə ola bilər.

Poul dərəcəsinə 0,9 saniyə uduzan Kimi Rəykkönen 5-ci yeri tutub. Növbəti 2 yerin sahibi isə Toro Rosso sürücüləri olub. Karlos Sayns 6-cı, Daniil Kvyat isə 7-ci nəticəni göstərib. Force İndia sürücülərindən Niko Hülkenberq 8-ci, Serxio Peres isə 10-cu olub. McLaren-i yenə də 3-cü sessiyaya keçirən Fernando Alonso isə sabahkı yarışa 9-cu yerdən başlaycaq.

YerNSürücüKomanda1-ci sessiya2-ci sessiya3-cü sessiya
YerZamanDövrəYerZamanDövrəZamanDövrə
16Niko RosberqMercedes AMG81:45.316311:43.02031:42.5846
23Daniel RikkardoRed Bull11:44.255331:43.93331:43.1156
344Lyuis HəmiltonMercedes AMG41:45.167321:43.47131:43.2886
433Maks FerstappenRed Bull31:45.036341:44.11231:43.3286
57Kimi RəykkönenFerrari21:44.964351:44.15931:43.5406
655Karlos SaynsToro Rosso111:45.499371:44.49351:44.1976
726Daniil KvyatToro Rosso71:45.291661:44.47561:44.4693
827Niko HülkenberqForce İndia141:46.0816101:44.73751:44.4796
914Fernando AlonsoMcLaren91:45.373381:44.65361:44.5536
1011Serxio PeresForce İndia51:45.204791:44.70371:44.5826
1177Valtteri BottasWilliams151:46.0865111:44.7406
1219Felipe MassaWilliams131:46.0566121:44.9915
1320Censon BattonMcLaren61:45.2628131:45.1445
1421Esteban QutyerresHaas101:45.4657141:45.5935
158Roman QrojanHaas121:45.6096151:45.7235
169Markus ErikssonSauber161:46.4277161:47.8275
1720Kevin MaqnussenRenault171:46.8259
1812Felipe NasrSauber181:46.8608
1930Colion PalmerRenault191:46.9609
2094Paskal VerlyaynManor201:47.6678
2131Esteban OkonManor211:48.2969
225Sebastyan FettelFerrari221:49.1164

Son Xəbərlər

İnformasiya

Bölüm Xəbərlər
Mənbə
Baxış Sayı 524
Teqlər , , , , ,
Paylaş

logo