Britaniyanın The Times qəzeti Nelsinyo Pikenin keçənilki Sinqapur Qran Prisindəki qəzasından əvvəl və sonra Renault-nun radiodanışıqlarının stenoqrammasını dərc edib…
Pət Simonds: Biz üç pits-topa getməyəcəyik… Yanacaqdan narahat olmayın, mən onu (Fernando Alonsonu) trafikdən tez çıxarmağı planlaşdırıram.
Nelsinyo Pike: Biz neçənci dövrədəyik? Biz neçənci dövrədəyik?
Renault-nun mühəndisi: O soruşur ki, “Biz neçənci dövrədəyik?”
Pət Simonds: Deyin ki, o indi səkkizinci dövrəni başa vurur… Deyin ki, o indi səkkizinci dövrəni başa vurur.
Pət Simonds: Məncə, biz pit-stopu onun ötməsinə qədər (Kazuki Nakacima Fernandonun önündə gedirdi) keçirməliyik, onu trafikdən çıxaraq – yanacaq nasosundan narahatam. Bir neçə dövrədən sonra onu saxlamaq lazımdır.
Pət Simonds: Ok, indi o ciddi hücum etməlidir. Əgər o (Pike) Barrikellonu keçməsə, heç nəyə nail olmayacaq, o Rubensi bu dövrədə keçməlidir.
Flavio Briatore: Ona deyin ki, bir az sürətini artırsın.
Pikenin mühəndisi: Nelsinyo, mütləq Barrikellonu keçmək lazımdır. Düz yolda bizim üstünlüyümüz var, süəti artır və onu keç.
… bir neçə dəqiqədən sonra 17-ci dövrədə Pike qəzaya uğrayır…
Bir neçə səs: Nelsinyonin qəzası. Yəqin qırmızı bayraqlar çıxacaq. Bu ciddidir.
Nelsinyo Pike: Heyif uşaqlar, mən çıxdım.
Mühəndis: O qaydasındadır? O qaydasındadır?
Pət Simonds: Soruşun, o qaydasındadır?
Mühəndis: Hər şey qaydasındadır?
Mühəndis: Fernando indicə yanından keçdi
Mühəndis: Ok, sarı bayraqlar.
Nelsinyo Pike: Başım dəyib, amma hər şey qaydasındadır.
Mühəndis: Yaxşı, qəbul etdim.
Pət Simonds: Yaxşı, onu saxlayın.
Mühəndis: Təhlükəsizlik Maşını, Təhlükəsizlik Maşını, Fernando, Təhlükəsizlik Maşını, qarışıq üç.
Pət Simonds: Ona deyin ki, 17-ci dövrədə ehtiyatlı olsun.
Mühəndis: Qəza ciddi idi.
Flavio Briatore: “F***ing hell…my every f***ing disgrace, f***ing, he’s not a driver” (tərcüməsiz…)
Pət Simonds: Fernando neçənci yerdədir?
Mühəndis: O iyirminci idi, amma Təhlükəsizlik Maşınının arxasında birinci olmalıdır, gözləmək lazımdır.
Flavio Briatore: Bundan sonra biz neçənci yerdəyik?
Pət Simonds: Düzünü desəm, Flavio, mən bilmirəm. Bu Fernando üçün yaxşı oldu, amma mən bilmirəm ki, o neçəncidir…
