Portuqaliya-2020: Yarış

F-1.az xatırladır ki, cümə və şənbə günlərində burada baş tutmuş hər üç sərbəst yürüş sessiyasının qalibi Valtteri Bottas olub.

Pirelli buraya C1, C2 və C3 tərkiblərini gətirib. Asfaltla ilişmə az olduğundan, hətta həftəsonunun ən yumşaq tərkibi olan C3-ləri belə burada isitmək çox çətin olub. İlk onluqdan Həmilton, Bottas və Lekler orta, qalanları yumşaq, digər sürücülərdən isə Rəykkönen yumşaq, Maqnussen sərt, qalanları isə orta təkərlərlə start alıblar.

Yarışa ilk cərgədən Həmilton və Bottas, ikinci cərgədən Ferstappen və Lekler, üçüncü cərgədən isə Peres və Elbon başlayıblar.

Startda Həmilton əvvəlcə yerini qoruyub, Ferstappen isə Bottası keçib. Lakin Valtteri mövqeyini geri qaytarıb, daha sonra isə Həmiltonu da geridə qoyaraq liderliyə yüksəlib. Peres yerində fırlanıb. Yağış başlayıb və dərhal dayanıb. Sayns yumşaq təkərlərin hesabına hətta Mercedes sürücülərini də üstələyərək liderliyi ələ alıb. Rəykkönen də 10 pillə irəliləyərək 6-cı yerə qalxıb. 2-ci dövrədən sonra ilk onluq: Sayns – Bottas – Həmilton – Norris – Ferstappen – Rəykkönen – Rikkardo – Lekler – Qasli – Stroll.

5-ci dövrədə Ferstappen Norrisi, bir dövrə sonra da Bottas birinci gedən Saynsı ötüb. İspan sürücü bir qədər sonra Həmiltondan da geri qalıb. 8-ci dövrədə Ferstappen də onu keçib, Lekler isə Rəykköneni məğlub edərək altıncı olub. Lekler Norrisi də üstələyib, marşallar Strolla dəfələrlə trasdan çıxdığı üçün ağ-qara bayraq göstəriblər.

11-ci dövrədə Qasli Rikkardonu,Stroll isə Rəykköneni geridə qoyub. Kimi pit-stopa yollanıb. Qasli Norrisi keçib, 15-ci dövrədə Rikkardo təkərlərini dəyişib. Stroll və Norris 18-ci dövrədə toqquşublar, hər iki sürücü maşın zələndiyi üçün pit-stop etməli olublar. Stüardlar Strolla 5 saniyə cəzası veriblər.

Fərqi bağlayan Həmilton 20-ci dövrədə komanda yoldaşına hücum edib və onu ötərək yarışın yeni lideri olub. Qasli Saynsı keçib, Elbon pit-stopa yollanıb. 20-ci dövrədən sonra ilk onluq: Həmilton – Bottas – Ferstappen – Lekler – Qasli – Sayns – Okon – Fettell – Rassell – Covinatsi.

Peres növbəti 3 dövrədə Kvyat və Covinatsini keçərək 10-cu yerə qalxıb. Ferstappen 24-cü dövrədə təkərlərini dəyişdirib. Onu 25-ci dövrədə Latifi, 26-cı dövrədə Kvyat, 27-ci dövrədə Sayns və Qrojan, 28-ci dövrədə Fettel, 29-cu dövrədə isə Qasli və Covinatsi izləyiblər.

Qrojana dəfələrlə yoldan çıxdığı üçün 31-ci dövrədə ağ-qara bayraq göstərilib. Sayns 34-cü dövrədə Rəykköneni geridə qoyub. Peres 35-ci dövrədə Okonu keçərək 5-ci olub. Lekler həmin dövrədə, 5 saniyəlik cəzası olan Stroll isə növbəti dövrədə pit yoluna üz tutub. 38-ci dövrədə Rassell, 40-cı dövrədə Həmilton, 42-ci dövrədə isə Bottas yeni təkərlərə keçiblər.

Norrisin təkərində kiçik deşilmə olub və 45-ci dövrədə pit yoluna üz tutub. Qasli Rikkardonu ötüb. Növbəti 3 dövrədə isə Peres, Rikkardo və Elbon təkərlərini dəyişdiriblər – Red Bull mexanikləri pit-stopu 1.8 saniyə kimi rekord göstərici ilə yerinə yetiriblər.

Strol 53-cü dövrədə boksa gəlib və yarışı yarımçıq saxlayıb. Kvyat da yoldan çox çıxdığı üçün 5 saniyəlik cəza alıb. Bu cəzasını 57-ci dövrədə pit-stop zamanı ödəyib. Sayns 65-ci və 66-cı dövrələrdə müvafiq olaraq, Qasli və Saynsdan geri qalıb.

Beləliklə, Lyuis Həmilton mövsümdə 8-ci, karyerasında isə 92-ci qələbəsini qazanaraq Mixael Şumaxeri geridə qoyub və vahid liderliyə yüksəlib. Valtteri Bottas finiş xəttini ikinci keçib. Maks Ferstappen podyumu tamamlayıb. Yarışı bu üçlüklə eyni dövrədə başa vuran yeganə sürücü olan Şarl Lekler isə dördüncü olub.

Mübarizə gələn həftə İmolada davam edəcək…

* – Qrojanın nəticəsinin üzərinə 5 saniyə əlavə olunub.

Sürətli dövrə: Lyuis Həmilton (Mercedes) – 1:18.750 (63-cü dövrə, 212.708 km/saat)

MÜBARİZƏNİ DAYANDIRANLAR:

SÜRÜCÜLƏRİN ÇEMPİONATI:

Yer	N	Sürücü	Ölkə	Komanda	Xal
1	44	Lyuis Həmilton		Mercedes AMG Petronas	256
2	77	Valtteri Bottas		Mercedes AMG Petronas	179
3	33	Maks Ferstappen		Aston Martin Red Bull Racing	162
4	3	Daniel Rikkardo		Renault DP World F1 Team	80
5	16	Şarl Lekler		Scuderia Ferrari	75
6	11	Serxio Peres		BWT Racing Point F1 Team	74
7	4	Lando Norris		McLaren F1 Team	65
8	23	Aleksander Elbon		Aston Martin Red Bull Racing	64
9	10	Pyer Qasli		Scuderia AlphaTauri Honda	63
10	55	Karlos Sayns		McLaren F1 Team	59
11	18	Ləns Stroll		BWT Racing Point F1 Team	57
12	31	Esteban Okon		Renault DP World F1 Team	40
13	5	Sebastyan Fettel		Scuderia Ferrari	18
14	26	Daniil Kvyat		Scuderia AlphaTauri Honda	14
15	27	Niko Hülkenberq		BWT Racing Point F1 Team	10
16	99	Antonio Covinatsi		Alfa Romeo Racing	3
17	7	Kimi Rəykkönen		Alfa Romeo Racing	2
18	8	Roman Qrojan		Haas F1 Team	2
19	20	Kevin Maqnussen		Haas F1 Team	1

MÜHƏNDİSLƏR KUBOKU: