Force İndia komandasının sürücüsü Pol di Restanın Böyük Britaniya Qran Prisinin sıralanma turunda göstərdiyi beşinci nəticə ləğv olunub – Qran Prinin stüardları bu qərarı sürücünün maşınını tərəzidə çəkdikdən sonra qəbul ediblər.
Məlum olub ki, maşın 642 kq minimum çəkidən 2 kq yüngüldür. Xüsusi tərəzidə təkrar çəki zamanı 1.5 kq yüngüllük təsdiq olunub. Yekunda sürücünün nəticəsi sıralanma turunun protokollarından xaric olunub.
Pol di Resta yarışda iştirak edə bilər, amma ya sonuncu yerdən başlayacaq, ya da pit-leyndən – bunu komanda seçməlidir…
