F.Alonso: “Bolid mükəmməldir”

McLaren Honda komandasının sürücüsü Fernando Alonsonun hədəfi sabahkı yarışda yaxşı xallar qazanmaqdır...

F-1.az xatırladır ki, Fernando Alonso sıralanma turunun birinci seansında 3-cü, ikinci seansında isə 12-ci olub və mübarizəni dayandırıb. İspaniyalı sürücü eyni zamanda komanda yoldaşını da qabaqlayıb.

Fernando Alonso: “Bolid bu gün mükəmməl idi. Özümü rahat hiss edirdim. Bolid bütün həftəsonu ərzində mükəmməl idi.

Bolidimizdə bəzi əskikliklər olduğu üçün yaxşı nəticə gözləmirdik, ancaq gözləniləndən çox güclü idik. Gələn yarışlar üçün yeniliklərimiz var və daha yaxşı olacayıq.

Ümid edirəm ki, hər iki bolidlə də xal ala bilərik”.

McLaren komandasının digər sürücüsü Censon Batton bildirib ki, onlar Red Bull, Williams və Force İndia kimi komandalara yaxın olduqları üçün sevinclidirlər: “Qış testləri dözümlülük üçün yaxşı oldu. Amma biz gözləmirdik ki, sürət cəhətdən Force İndia və Williams komandalarına yaxın olaq. Bu bizim üçün təəccüblüdür.

Mən düşünürəm ki, yarış tempində daha güclüyük. Keçən il də yarışda güclü idik. Planlarımız yarış üzərində qurulub.

Keçənilkindən daha yaxşı vəziyyətdəyik”.

, , , , , ,

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*